भारतीय क्रिकेट नियामक मंडळ ने आयपीएल २०२५ स्पर्धा अनिश्चित (postponed)काळासाठी स्थगित करण्याची घोषणा केली आहे. भारत आणि पाकिस्तान यांच्यातील वाढत्या लष्करी तणावाच्या पार्श्वभूमीवर हा निर्णय घेण्यात आला आहे. BCCI च्या एका अधिकाऱ्याने पीटीआयला सांगितले की, “युद्धाच्या काळात क्रिकेट चालू ठेवणे योग्य नाही,” .या निर्णयानंतर, पंजाब किंग्ज आणि दिल्ली कॅपिटल्स यांच्यातील सामना अर्धवट सोडण्यात आला, ज्याचे कारण सुरुवातीला तांत्रिक बिघाड मानले गेले होते. मात्र, जम्मू आणि पठाणकोट येथे हवाई हल्ल्याच्या इशाऱ्यांमुळे सामना(postponed) थांबवण्यात आला आणि प्रेक्षकांना सुरक्षिततेच्या कारणास्तव मैदानातून बाहेर काढण्यात आले .
BCCI ने खेळाडू, स्टाफ आणि प्रसारण कर्मचाऱ्यांना सुरक्षितपणे बाहेर काढण्यासाठी विशेष ट्रेनची व्यवस्था केली आहे . BCCI उपाध्यक्ष राजीव शुक्ला यांनी सांगितले की, “सध्याच्या परिस्थितीत आम्ही सरकारच्या सल्ल्यानुसार पुढील निर्णय घेऊ. आमच्यासाठी सर्व खेळाडू, चाहते आणि संबंधितांची सुरक्षा सर्वोच्च आहे”.सध्या, आयपीएल २०२५ चे ५८ सामने पूर्ण झाले असून, १२ सामने शिल्लक आहेत. (postponed)BCCI पुढील टप्प्यात स्पर्धा पुन्हा सुरू करण्यासाठी नवीन वेळापत्रक तयार करण्याचा विचार करत आहे, परंतु आंतरराष्ट्रीय क्रिकेट कॅलेंडरमुळे हे आव्हानात्मक ठरू शकते .या निर्णयामुळे क्रिकेटप्रेमींमध्ये निराशा पसरली असली तरी, देशाच्या सुरक्षेच्या दृष्टीने हा निर्णय आवश्यक असल्याचे मानले जात आहे. BCCI आणि सरकारकडून पुढील सूचना येईपर्यंत सर्व संबंधितांनी संयम बाळगावा, अशी अपेक्षा आहे.
हेही वाचा :
भारत-पाकिस्तान तणावामुळे सिद्धिविनायक मंदिर प्रशासनाचा मोठा निर्णय!
भारत-पाकिस्तान तणावादरम्यान अंबाती रायुडू झाला ट्रोल, ‘या’ ट्विटमुळे आला अडचणीत
घटस्फोटानंतर समांथाच्या आयुष्यात नवी चाहूल? विवाहित दिग्दर्शकाशी जडले प्रेमसंबंध?
