आंतरराष्ट्रीय बाजारातून सर्वसामान्यांसाठी दिलासादायक बातमी समोर आली आहे.(reduction) जागतिक पातळीवर कच्च्या तेलाच्या किंमतीत मोठी घसरण झाल्याने देशात पेट्रोल आणि डिझेलचे दर कमी होण्याची शक्यता व्यक्त केली जात आहे. डोनाल्ड ट्रम्प यांनी इराणसोबतच्या चर्चेबाबत केलेल्या वक्तव्यानंतर तेल बाजारात मोठी हालचाल दिसून आली.मध्य-पूर्वेतील तणावामुळे मागील काही आठवड्यांपासून कच्च्या तेलाच्या किंमती सातत्याने वाढत होत्या. मात्र वॉशिंग्टन येथे झालेल्या घडामोडींनंतर परिस्थितीत बदल दिसू लागला आहे. अमेरिकेचे राष्ट्राध्यक्ष ट्रम्प यांनी अमेरिका आणि इराण यांच्यातील चर्चा सकारात्मक दिशेने सुरू असल्याचे सांगितले. तसेच लवकरच दोन्ही देशांमध्ये महत्त्वाचा करार होऊ शकतो, असे संकेत त्यांनी दिले. या विधानानंतर जागतिक तेल बाजारात तात्काळ परिणाम दिसून आला.
आंतरराष्ट्रीय बाजारात ब्रेंट क्रूड च्या दरात सुमारे 5 टक्क्यांची घसरण झाली.(reduction) त्यानंतर हा दर 105 डॉलर प्रति बॅरलपर्यंत खाली आला. तर अमेरिकन बेंचमार्क वेस्ट टेक्सास इंटरमीडिएट अर्थात WTI चे दर 99 डॉलर प्रति बॅरलपर्यंत घसरले. बाजारातील तज्ज्ञांच्या मते, अमेरिका आणि इराणमधील तणाव कमी होण्याची शक्यता निर्माण झाल्यामुळे गुंतवणूकदारांचा आत्मविश्वास वाढला आहे. त्यामुळे तेल पुरवठा सुरळीत होईल, अशी अपेक्षा व्यक्त केली जात आहे.फेब्रुवारी महिन्याच्या अखेरीपासून अमेरिका आणि इराण यांच्यातील संघर्षामुळे तेल बाजार अस्थिर झाला होता. त्या काळात कच्च्या तेलाच्या किंमती जवळपास 40 टक्क्यांनी वाढल्या होत्या. विशेषतः होर्मुज समुद्रधुनी बंद होण्याच्या भीतीमुळे जगभरातील ऊर्जा बाजारावर परिणाम झाला. या समुद्रमार्गातून जगातील मोठ्या प्रमाणावर कच्च्या तेलाचा पुरवठा केला जातो. जागतिक इंधन पुरवठ्यातील जवळपास पाचवा हिस्सा या मार्गातून जात असल्याने त्याला अत्यंत महत्त्व मानले जाते.
गेल्या दोन महिन्यांपासून या भागातील तणावामुळे पुरवठा साखळी विस्कळीत झाली होती. (reduction) मात्र ट्रम्प यांच्या ताज्या विधानानंतर हा मार्ग पुन्हा सुरळीत सुरू होण्याच्या शक्यता वाढल्या आहेत. त्यामुळे आगामी काळात पेट्रोल आणि डिझेलच्या किंमती कमी होण्याची आशा व्यक्त केली जात आहे.दरम्यान, या आठवड्याच्या सुरुवातीला देशात पेट्रोल आणि डिझेलच्या दरात जवळपास 4 रुपयांची वाढ झाली होती. प्रथम 3 रुपयांनी दर वाढले आणि त्यानंतर 90 पैशांची अतिरिक्त वाढ करण्यात आली. त्यामुळे नागरिकांमध्ये नाराजी वाढली होती. आता कच्च्या तेलाच्या दरातील घसरणीमुळे इंधन दरात दिलासा मिळणार का, याकडे सर्वांचे लक्ष लागले आहे.
हेही वाचा
शरद पवार भाकरी फिरवणार, 22-23 आमदार संपर्कात? नेमकं काय घडतयं?
पेट्रोलबाबत सरकारचा मोठा निर्णय; जाणून घ्या काय असतील फायदे?
वडिलांच्या समोर कोल्हापुरातील राजाराम बंधाऱ्यावर १२ वर्षीय मुलगा बुडाला