आंध्र प्रदेशातील विशाखापट्टणम येथे एका महिलेची हत्या करण्यात आली होती. (shocked)हत्येमागे जे कारण होते ते ऐकून तुम्हालाही धक्का बसेल. खरंतर, जिल्ह्यातील भीमिली पोलीस ठाण्याच्या हद्दीतील डाकामारी परिसरात ठागरापुवलसा-विजयनगरम रस्त्यालगतच्या फॉर्च्यून लेआउटमध्ये 2 मे रोजी एका अर्धवट जळालेल्या महिलेचा मृतदेह आढळला. महिलेचा चेहरा इतका जळाला होता की मृतदेह ओळखणे कठीण झाले. तिथून जाणाऱ्या एका मेंढपाळाने मृतदेह पाहिला आणि त्याने स्थानिकांना सांगितले.त्यानंतर स्थानिकांनी पोलिसांना याची माहिती दिली. पोलिसांनी प्रकरणाची चौकशी सुरू केली. पुरावे गोळा केले. चेहरा ओळखता येत नसल्याने पोलिसांनी गुलाबी टॉप आणि उंच टाचांच्या सँडल घातलेल्या मुलीचे फोटो काढले आणि सर्व पोलीस ठाण्यांना पाठवले. हरवलेल्या व्यक्तींच्या तक्रारींबाबत चौकशी करण्यात आली.
पोलिसांनी मृत महिलेच्या कॉल डेटा तपासला. त्यानंतर महिलेची ओळख मधुरवाडा येथील मलिका वोलाशा परिसरातील रहिवासी वेंकटालक्ष्मी अशी झाली. पोलिसांनी परिसरातील सीसीटीव्ही कॅमेरे तपासले असता असे दिसून आले की मृत महिला एका व्यक्तीसोबत एक दिवस आधी तिथे आली होती. चौकशी केली असता त्या व्यक्तीची ओळख क्रांती कुमार अशी झाली.जेव्हा त्याला ताब्यात घेऊन चौकशी केली, तेव्हा सत्य समोर आले. त्याने हत्येचा गुन्हा कबूल केला. विजयनगरम नगरातील डेनकाडा येथील वेंकटालक्ष्मीच्या पतीचा मृत्यू दहा वर्षांपूर्वी झाला होता. वेंकटालक्ष्मी मधुरवाडा(shocked) येथे आपल्या दोन मुलांसह एसएफ 4, ब्लॉक क्रमांक 121, राजीव गृह, मलिका वलसा येथे राहत होती. आरोपी क्रांती कुमार हा ओडिशातील रायगड जिल्ह्यातील कैम्पोमालीगाम येथील रहिवासी आहे.
क्रांती कुमारने पहिल्या पत्नीला सोडून दुसरे लग्न केले होते. त्याची पहिली पत्नी आणि मुले ठागरापुवालसा येथे राहतात. त्याने चार वर्षांपूर्वी आपल्या दुसऱ्या पत्नीला राजीव गृह कल्प येथील एका घरात शिफ्ट केले होते. वेंकटालक्ष्मी क्रांती कुमारच्या दुसऱ्या पत्नीच्या शेजारी राहत होती. यामुळेच आरोपी आणि वेंकटालक्ष्मी यांचा परिचय झाला. हळूहळू त्यांची मैत्री झाली आणि नंतर त्यांचे प्रेमसंबंध सुरू झाले.जेव्हा क्रांती कुमारच्या दुसऱ्या पत्नीला त्याच्या वेंकटालक्ष्मीशी असलेल्या प्रेमसंबंधांची माहिती मिळाली, तेव्हा तिने क्रांती कुमारशी भांडण केले. त्यानंतर आरोपीने आपल्या दुसऱ्या पत्नीला त्या कॉलनीतील दुसऱ्या ब्लॉकमध्ये शिफ्ट केले. क्रांती कुमारच्या पहिल्या पत्नीलाही त्याच्या वेंकटालक्ष्मीशी असलेल्या प्रेमसंबंधांची माहिती होती. दोन्ही पत्नींच्या दबावामुळे क्रांती कुमारने कोणत्याही परिस्थितीत वेंकटालक्ष्मीपासून सुटका मिळवण्याची योजना आखली.
यानंतर आरोपी क्रांती कुमारने 1 मे रोजी रात्री 8 वाजता वेंकटालक्ष्मीला फोन केला आणि तिला बाहेर फिरायला जाण्याची विनंती केली. त्यानंतर दोघे बाइकवरून निघाले. (shocked)दोघे फिरले, नूडल्स आणि आईस्क्रीम खाल्ले, कॉफी प्यायली. त्यानंतर, मध्यरात्रीच्या सुमारास आरोपीने वेंकटालक्ष्मीला शारीरिक संबंधांसाठी तयार केले आणि तिला फॉर्च्यून लेआउटमध्ये नेले.तिथे जेव्हा वेंकटालक्ष्मी झोपली होती, तेव्हा त्याने सोबत आणलेल्या चाकूने तिचा गळा कापून तिची निर्घृण हत्या केली. त्यानंतर त्याने तिच्या गळ्यातील दागिने आणि कानातले काढून आपल्या खिशात ठेवले.
योजनेनुसार, त्याने सोबत आणलेल्या बाटलीतील पेट्रोल वेंकटालक्ष्मीच्या चेहऱ्यावर ओतले, त्याला आग लावली आणि तो घटनास्थळावरून पळून गेला.पोलिसांनी हा खटला अवघ्या सहा तासांत सोडवला आणि आरोपी क्रांती कुमारला अटक केली. आता मृत महिलेच्या कुटुंबातील सदस्य क्रांती कुमारविरुद्ध कठोर कारवाईची मागणी करत आहेत. मृतकेचे वडील आदिनारायण आणि कुटुंबातील सदस्यांचे म्हणणे आहे की, शिक्षा अशी असावी की क्रांती कुमारसारखा विचार करणाऱ्यांचे हृदय थरथर कापेल.
हेही वाचा :
सतेज पाटील यांना मोठा धक्का, खंद्या समर्थकाने साथ सोडली, दुसरा पक्ष निवडला!
“हिंदू शेरनी तुझे उड़ा देंगे…”, भाजप नेत्या नवनीत राणा यांना पाकिस्तानातून जीवे मारण्याची धमकी
युद्धबंदीनंतर शेअर बाजार तेजीत, सेन्सेक्स २३०० अंकांनी वाढला
