भारतीय क्रिकेट संघाचा इंग्लंड दौरा आणि त्यापूर्वीच कर्णधार रोहित शर्मा (unexpected)व स्टार फलंदाज विराट कोहली यांनी कसोटी क्रिकेटमधून घेतलेल्या अनपेक्षित निवृत्तीमुळे भारतीय क्रिकेट वर्तुळात मोठी खळबळ उडाली आहे. या दोघांनी गेल्या वर्षी टी-२० वर्ल्ड कप जिंकल्यानंतर त्या प्रकारातूनही निवृत्ती घेतली होती. आता या दोन्ही महान खेळाडूंचे लक्ष २०२७ च्या एकदिवसीय वर्ल्ड कप स्पर्धेवर असेल, अशी चर्चा सुरू असतानाच, भारताचे माजी महान फलंदाज सुनील गावसकर यांनी याबाबत एक महत्त्वपूर्ण आणि सूचक विधान केले आहे.
सुनील गावसकर यांना आगामी 2027 च्या वनडे वर्ल्ड कपमध्ये रोहित शर्मा आणि विराट कोहली खेळतील का, असा प्रश्न विचारण्यात आला होता. यावर उत्तर देताना, गावसकर यांनी दोन्ही क्रिकेटपटूंच्या वयाचा आणि शारीरिक क्षमतेचा संदर्भ देत म्हटले की, “त्या दोघांचेही आगामी वनडे वर्ल्ड कप स्पर्धेत खेळणे मला तरी शक्य वाटत नाही.”
तथापि, त्यांनी हेही स्पष्ट केले की, “जर पुढील दोन वर्षांत त्यांनी आपल्या कामगिरीत सातत्य राखले आणि निवड समितीला ते संघासाठी तितकेच उपयुक्त ठरू शकतात याची खात्री पटवून दिली, तर त्यांना कोणीही रोखू शकणार नाही.” गावसकर पुढे म्हणाले की, “दोघांचीही वनडेतील कामगिरी सर्वोत्तम आहे. (unexpected)परंतु, २०२७ च्या वनडे वर्ल्ड कप स्पर्धेवेळी निवडकर्ते त्यांच्या तत्कालीन फॉर्म आणि संघातील उपयुक्ततेचा विचार करूनच योग्य तो निर्णय घेतील. जर निवडकर्त्यांना ते पूर्वीप्रमाणेच योगदान देऊ शकतात, याची खात्री असेल, तर दोघांनाही निश्चितपणे संघात संधी मिळेल.”
सुनील गावसकर यांनी सचिन तेंडुलकरचे उदाहरण देत म्हटले की, “वयाच्या पस्तीशीनंतर कोणत्याही खेळाडूसाठी आपल्या कामगिरीत सातत्य राखणे हे एक मोठे आव्हान असते. (unexpected)जर रोहित आणि विराटला वनडे वर्ल्ड कपमध्ये खेळायचे असेल, तर त्यांनी अधिकाधिक काळ देशांतर्गत क्रिकेटमध्ये खेळत राहून आपली तंदुरुस्ती आणि फॉर्म सिद्ध करायला हवा. वयाच्या चाळीशीतही शतक मारणे शक्य आहे, हे सचिन तेंडुलकरने दाखवून दिले आहे.”या मोलाच्या सल्ल्यातून गावसकर यांनी रोहित आणि विराटला त्यांच्या पुढील कारकिर्दीसाठी एक दिशा देण्याचा प्रयत्न केला आहे. दरम्यान, रोहित आणि विराटच्या कसोटी निवृत्तीमागे नवे प्रशिक्षक गौतम गंभीर यांचा दबाव असल्याचीही चर्चा क्रिकेट वर्तुळात सुरू आहे, ज्यामुळे या दिग्गजांच्या भवितव्याबद्दल अनेक तर्क-वितर्क लढवले जात आहेत.
हेही वाचा :
स्टेट बँक ऑफ इंडियामध्ये काम करण्याची सुवर्णसंधी; ‘या’ पदांसाठी मेगाभरती
एसटी महामंडळात काम करण्याची इच्छा असणारांसाठी मोठी आनंदाची बातमी!
पक्ष तोडण्याची लायकी पाकिस्तान तोडण्याची नाही संजय राऊतांचं मोदींवर टीकास्त्र
