आंब्याला फळांचा राजा म्हणतात. उन्हाळ्यात हे सर्वात जास्त आवडणारे फळ आहे. (summer)उन्हाळा सुरू झाला की आपल्यापैकी अनेकजण आंबा खुप आवडीने खातात. तसेच प्रत्येक ऋतूमध्ये हंगामी फळ खाणे आरोग्यासाठी फायदेशीर असते. त्यामुळे उन्हाळ्यात सुद्धा आंब्यांचे सेवन आरोग्यासाठी अधिक फायद्याचे ठरते. कारण त्यात व्हिटॅमिन ए, सी, फायबर, अँटीऑक्सिडंट्स आणि नैसर्गिक साखर भरपूर प्रमाणात असते. तथापि, तज्ज्ञांच्या मते, दिवसा आंबा खाणे फायदेशीर आहे, परंतु रात्री ते खाल्ल्याने काही आरोग्य समस्या उद्भवू शकतात.
आहारतज्ज्ञ आइना सिंघल सांगतात की, बहुतेक लोकांना सकाळी किंवा दुपारी आंबा खायला आवडतो. त्याच वेळी, काही लोक रात्री देखील आंब्यांचे सेवन करतात. पण तज्ज्ञांचे म्हणणे आहे की रात्री आंबा खाणे टाळावे. रात्री आंबा खाल्ल्याने आरोग्याला कोणते नुकसान होऊ शकते, हे तज्ज्ञांकडून जाणून घेऊया.रात्री शरीराची पचन प्रक्रिया मंदावते. त्यामुळे आंब्यासारखे जड आणि गोड फळ खाल्ले तर ते पचण्यास त्रास होऊ शकतो. (summer)यामुळे तुम्हाला गॅस, अपचन, पोटदुखी आणि जडपणा यासारख्या समस्या उद्भवू शकतात असे तज्ज्ञांचे म्हणणे आहे.
आंब्यामध्ये नैसर्गिक साखर फ्रुक्टोज खूप जास्त असते. रात्री आंबा खाल्ल्याने रक्तातील साखर अचानक वाढू शकते, विशेषतः मधुमेहाच्या रुग्णांसाठी ते धोकादायक ठरू शकते. झोपण्यापूर्वी साखरेचे प्रमाण जास्त असलेले पदार्थ खाल्ल्याने इन्सुलिन संवेदनशीलतेवरही परिणाम होऊ शकतो.आंब्यामध्ये कॅलरीज आणि साखर दोन्ही मोठ्या प्रमाणात असतात. रात्री आंबा खाल्ल्यानंतर, शरीराला कॅलरीज बर्न करण्यासाठी पुरेसा वेळ मिळत नाही कारण आपण रात्री कोणतीही शारीरिक हालचाल करत नाही. अशा परिस्थितीत ते फॅटच्या स्वरूपात शरीरात जमा होऊ शकते आणि वजन वाढू शकते.आंबा खाल्ल्याने शरीरातील ऊर्जेची पातळी वाढते, ज्यामुळे शरीर पूर्णपणे विश्रांती घेऊ शकत नाही. (summer)झोपण्यापूर्वी आंबा खाल्ल्यास झोपेचा त्रास होऊ शकतो, असे तज्ज्ञांचे म्हणणे आहे. अशा परिस्थितीत झोपेची गुणवत्ता बिघडू शकते.
हेही वाचा :
मोठा घोटाळा ! कोल्हापूर जिल्हा बँकेत 3.21 कोटींचा अपहार
बिबट्याने अंथरुणातून १० महिन्यांच्या बाळाला उचलून नेलं, आईकडून आरडाओरड, पण…
देशात होणार जातनिहाय जनगणना, मंत्रिमंडळाच्या बैठकीत मोदी सरकारचा मोठा निर्णय
