अन्न आणि औषध प्रशासनातील कथित लाचखोरी प्रकरणामुळे राज्यात (irregularities) मोठी खळबळ उडाली असतानाच विभागातील इतर गैरव्यवहारही आता उघडकीस येऊ लागले आहेत. सामान्य नागरिकांच्या आरोग्याशी थेट संबंध असलेल्या या विभागात कारभार ढिसाळ का होत आहे, याबाबत प्रश्नचिन्ह निर्माण झाले आहे. या पार्श्वभूमीवर एका निवेदनाद्वारे राज्याच्या मुख्यमंत्र्यांकडे तातडीने लक्ष घालून सखोल चौकशी करण्याची मागणी करण्यात आली आहे.
विभागातील भ्रष्ट वर्तुळामुळेच (irregularities) कारवाई प्रभावी होत नसल्याचा आरोप करण्यात येत आहे. या वर्तुळाच्या केंद्रस्थानी उल्हास इंगोले हे अधिकारी असल्याची तक्रार करण्यात आली असून त्यांच्या कारभारावर गंभीर आक्षेप घेण्यात आले आहेत. विधान परिषदेत अमोल मिटकरी यांनी प्रतिबंधित गुटख्याच्या विक्रीप्रकरणी इंगोले यांच्यावर थेट आरोप केले होते. त्याचप्रमाणे भाजपच्या श्वेता महाले यांनी त्यांच्या संपत्तीची व एकूण कारभाराची चौकशी करण्याची मागणी केली होती. मात्र सभागृहात विभागीय चौकशीचे आश्वासन देऊनही ठोस कारवाई झालेली दिसत नसल्याची भावना व्यक्त केली जात आहे.
निवेदनात नमूद केल्याप्रमाणे, दक्षता सहआयुक्तांकडून इंगोले यांची (irregularities) चौकशी झाल्याचे सांगितले जाते, परंतु अद्याप अहवाल सार्वजनिक का करण्यात आलेला नाही, असा सवाल उपस्थित करण्यात आला आहे. तसेच मुख्यालय सहआयुक्त (अन्न) हा अतिरिक्त कार्यभार त्यांनी अनेक वर्षे स्वतःकडेच ठेवल्याचा आरोप असून त्याबाबतही खातेनिहाय चौकशीची मागणी करण्यात आली आहे. एकाच पदावर दीर्घकाळ बदली न होता राहण्यामागचे कारण काय, याचीही चौकशी व्हावी, अशी मागणी पुढे आली आहे.
याशिवाय महाराष्ट्र पोलिसांना नमुने प्रयोगशाळेत तपासणीसाठी पाठवण्यास कथितरित्या प्रतिबंध करणारा आदेश कोणत्या अधिकारात देण्यात आला, याचीही चौकशी व्हावी, असे निवेदनात नमूद करण्यात आले आहे. विभागातील कारभार काही मोजक्या अधिकाऱ्यांच्या प्रभावाखाली गेल्याने भेसळ रोखण्याचे काम प्रभावीपणे होत नसल्याचा आरोप तक्रारदारांनी केला आहे.
तक्रारदार सूरज केराप्पा पडवळकर यांनी (irregularities) माध्यमांशी बोलताना सांगितले की, विभाग भ्रष्ट अधिकाऱ्यांच्या तावडीतून मुक्त झाल्यासच प्रभावीपणे काम करू शकेल. त्यांनी राज्याच्या मुख्यमंत्र्यांनी वैयक्तिक लक्ष घालून अन्न व औषध विभागाच्या एकूणच व्यवहारांची सखोल चौकशी करावी आणि संबंधित अधिकाऱ्यांवर योग्य ती कारवाई करावी, अशी मागणी केली आहे. या प्रकरणाकडे आता राजकीय आणि प्रशासकीय वर्तुळाचे लक्ष लागले असून पुढील कारवाईकडे सर्वांचे लक्ष आहे.
हेही वाचा :
शेतकऱ्यांच्या बँक खात्यात 2000 रुपये कधी येणार, या तारखेला… सर्वात महत्त्वाची अपडेट समोर!
बागेतलं हे फुल घेतं माणसांचा जीव, कधीच लावू नका हात; अन्यथा होतो अनर्थ!
दुसऱ्याच्या घरी जेवण का करू नये? चाणक्य यांनी सांगितलं कारण