हेमा मालिनी 8 महिन्यांच्या प्रेग्नेंट असताना शूट केलं होतं हे होळीच गाणं. ज्यावर होळीच्या दिवशी प्रत्येकजण धरतो ठेका. आजही सर्वांचं आहे आवडतं.
बॉलिवूड चित्रपटांमधील होळीची गाणी नेहमीच प्रेक्षकांच्या मनात खास स्थान मिळवत आली आहेत. रंग, उत्साह आणि जल्लोषाने भरलेली ही गाणी सणाचा आनंद दुप्पट करतात. (Hema Malini)अशाच संस्मरणीय होळी गीतांपैकी एक म्हणजे राजपूत या चित्रपटातील ‘भागी रे भागी बृजबाला’. या गाण्याशी एक विशेष आणि प्रेरणादायी किस्सा जोडलेला आहे जो आजही अनेकांना थक्क करतो.
या गाण्यात ड्रीम गर्ल हेमा मालिनी झळकल्या होत्या. विशेष बाब म्हणजे या गाण्याचे चित्रीकरण होत असताना त्या तब्बल आठ महिन्यांच्या गर्भवती होत्या. त्या काळात त्या आपल्या पहिल्या मुलीला जन्म देण्याच्या प्रतीक्षेत होत्या. पुढे 1981 साली त्यांनी मुलगी ईशा देओल हिला जन्म दिला.
‘भागी रे भागी बृजबाला’ या गाण्याचे चित्रीकरण रंगांच्या उधळणीत, मोठ्या गर्दीत आणि उत्साही नृत्यदृश्यांसह झाले होते. अशा वातावरणात काम करणे कोणत्याही अभिनेत्रीकरिता आव्हानात्मक ठरू शकते. मात्र हेमा मालिनी यांनी आपल्या व्यावसायिकतेचा उत्तम नमुना दाखवत पूर्ण उर्जेसह हे गाणे साकारले. (Hema Malini) त्या वेळी त्यांच्या सोबत अभिनेते धर्मेंद्र देखील होते. विशेष प्रकारचे पोशाख परिधान करून त्यांनी बेबी बंप स्क्रीनवर दिसू नये याची काळजी घेतली. त्यांच्या चेहऱ्यावर किंवा अभिनयात कुठेही थकवा जाणवला नाही. त्यामुळे प्रेक्षकांना त्या गर्भवती असल्याची कल्पनाही आली नाही.
होळीच्या गाण्यांमध्ये रंगांची उधळण, धावपळ आणि जोशपूर्ण नृत्य असते. अशा प्रसंगात आठ महिन्यांची गर्भवती असतानाही काम पूर्ण करणे हे त्यांच्या समर्पणाचे उदाहरण आहे. (Hema Malini) त्यांच्या सहज आणि नैसर्गिक अभिनयामुळे हे गाणे आजही होळी प्लेलिस्टमध्ये आवर्जून वाजवले जाते.आजही जेव्हा ‘भागी रे भागी बृजबाला’ हे गाणे ऐकू येते तेव्हा ते केवळ एक सणासुदीचे फिल्मी गीत राहात नाही तर एका अभिनेत्रीच्या धैर्य, जिद्द आणि व्यावसायिकतेची आठवण करून देते. कठीण परिस्थितीतही कामाप्रती असलेली निष्ठा कशी असावी याचे हे उत्तम उदाहरण मानले जाते.
हेही वाचा :
स्मार्ट वॉच खरेदी करण्याचा विचार करताय? मग हे आहे सर्वात बेस्ट
‘प्लास्टिकमध्ये गुंडाळून जेवण’चा विचित्र ट्रेंड व्हायरल; आरोग्यावर परिणामांबाबत नेटिझन्स चिंतेत