कोल्हापूर : गणेश आगमन मिरवणुकांदरम्यान साऊंड सिस्टीमचा धडाका मर्यादेपलीकडे गेल्याने पोलिसांनी कडक पावले उचलली आहेत. तब्बल ३५४ मंडळांचे अध्यक्ष, पदाधिकारी आणि साऊंड सिस्टीम मालकांविरोधात गुन्हे दाखल करण्याची प्रक्रिया सुरू झाली आहे. या हालचालींमुळे अनेक विद्यार्थी आणि तरुण(youths) कार्यकर्त्यांमध्ये भीतीचे वातावरण निर्माण झाले आहे.
मिरवणुकांमध्ये वीस-पंचवीस कार्यकर्त्यांसह अनेक मंडळांनी एक ते तीन लाख रुपये खर्च करून भव्य साऊंड सिस्टीम बसवल्या. पोलिसांनी नोंदवलेल्या नमुन्यांनुसार आवाज ९० डेसिबलपासून तब्बल १२० डेसिबलपर्यंत गेला. त्यामुळे नियमांचे उल्लंघन करणाऱ्या मंडळांची नावे नोंदवून न्यायालयीन कारवाईसाठी पाठवली जात आहेत.
विशेष म्हणजे, या गुन्ह्यांमुळे तरुणांच्या(youths) भविष्यातील शैक्षणिक आणि करिअरच्या संधींवर पाणी फिरू शकते. सरकारी नोकरी, नामांकित कंपन्यांमधील भरती तसेच परदेशी शिक्षणासाठी लागणाऱ्या ‘चारित्र्य पडताळणी’त अडथळे येऊ शकतात. अनेक तरुणांना पासपोर्ट व्हेरिफिकेशनच्या वेळीही अशा गुन्ह्यांची नोंद धोकादायक ठरू शकते, असा इशारा पोलिसांनी दिला आहे.
दरम्यान, नियमांचे सतत उल्लंघन करणाऱ्या साऊंड सिस्टीम मालकांवरही कठोर कारवाई करण्याचे आदेश देण्यात आले असून गरज पडल्यास त्यांचे साहित्य जप्त केले जाईल. विसर्जन मिरवणुकांमध्ये आवाजाची पातळी आणखी वाढू शकते, हे लक्षात घेऊन पोलिसांनी आत्तापासूनच सर्व मंडळांची माहिती गोळा करायला सुरुवात केली आहे.
हेही वाचा :
जिओने केला धमाका! लॉन्च केला AI वाला चश्मा, एका क्लिकवर फोटो, व्हिडिओ अन् कॉलिंगसुद्धा
1 सप्टेंबरपासून चांदीवरही हॉलमार्कची मोहोर; ‘हे’ नियम लागू होणार, चांदीपण महागणार?
ICC स्पर्धेत चोरी करताना पकडला गेला क्रिकेटपटू, आता तीन महिने राहणार तुरुंगात