अमेरिकन फेडरल रिझर्व्हच्या चलनविषयक धोरण निर्णयापूर्वी जागतिक बाजारपेठेत कमकुवत कल दिसून येत आहे. आज १७ सप्टेंबर रोजी, बुधवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५० सकारात्मक दिशेने उघडण्याची शक्यता आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी सकारात्मक सुरुवात दर्शवितात(Investors). गिफ्ट निफ्टी २५,३७६ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ४४ अंकांनी जास्त होता.
बाजार तज्ज्ञांनी असा सल्ला दिला आहे की, आजच्या व्यवहारात गुंतवणूकदारांनी(Investors) सावध भुमिका बाळगण अत्यंत गरजेचं आहे. मंगळवारी, देशांतर्गत शेअर बाजाराने तेजी दाखवली, बेंचमार्क निफ्टी ५० २५,२०० च्या वर बंद झाला. सेन्सेक्स ५९४.९५ अंकांनी म्हणजेच ०.७३% ने वाढून ८२,३८०.६ ९ वर बंद झाला, तर निफ्टी ५० १६९.९० अंकांनी म्हणजेच ०.६८% ने वाढून २५,२३९.१० वर बंद झाला.
आजच्या व्यवहारात गुंतवणूकदार(Investors) रेलटेल कॉर्पोरेशन ऑफ इंडिया, ब्लू डार्ट, कोल इंडिया, डॉ. रेड्डीज, अपोलो टायर्स, भारत इलेक्ट्रॉनिक्स लिमिटेड, टेक महिंद्रा, टीव्हीएस होल्डिंग्ज, पंजाब नॅशनल बँक, ल्युपिन या शेअर्सवर लक्ष केंद्रित करू शकतात. प्रभुदास लिल्लाधर येथील तांत्रिक संशोधन विभागाच्या उपाध्यक्षा वैशाली पारेख यांनी आज गुंतवणूकदारांना तीन स्टॉकची खरेदी-विक्री करण्याची शिफारस केली आहे. ज्यामध्ये जेएसडब्ल्यू इन्फ्रास्ट्रक्चर, एचएफसीएल आणि पर्सिस्टंट सिस्टम्स यांचा समावेश आहे.
चॉइस ब्रोकिंगचे कार्यकारी संचालक सुमित बगडिया यांनी आज गुंतवणूकदारांना खरेदी करण्यासाठी पाच ब्रेकआउट स्टॉकची शिफारस केली आहे. ज्यामध्ये क्रॉस, ग्रेट ईस्टर्न शिपिंग कंपनी, पीएन गाडगीळ ज्वेलर्स, उषा मार्टिन आणि रॅम्को इंडस्ट्रीज यांचा समावेश आहे.
आज खरेदी करायच्या स्टॉकबाबत, बाजारातील तज्ञ चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल यांनी आठ इंट्राडे स्टॉकची शिफारस केली आहे. ज्यामध्ये इंडिया निप्पॉन इलेक्ट्रिकल्स लिमिटेड, पॉन्डी ऑक्साइड्स अँड केमिकल्स लिमिटेड, रॅलिस इंडिया लिमिटेड, हिंदुस्तान झिंक लिमिटेड, इंडियन रेल्वे केटरिंग अँड टुरिझम कॉर्पोरेशन लिमिटेड (IRCTC), हिंदुस्तान ऑइल एक्सप्लोरेशन कंपनी लिमिटेड, टिळकनगर इंडस्ट्रीज लिमिटेड आणि एरोफ्लेक्स इंडस्ट्रीज लिमिटेड यांचा समावेश आहे.
अटलांटा इलेक्ट्रिकल्सच्या आयपीओची सबस्क्रिप्शन तारीख सोमवार, २२ सप्टेंबर रोजी नियोजित आहे आणि बुधवार, २४ सप्टेंबर रोजी बंद होईल. अटलांटा इलेक्ट्रिकल्सच्या आयपीओसाठी अँकर गुंतवणूकदारांना वाटप शुक्रवार, १९ सप्टेंबर रोजी होणार आहे. फ्लोअर प्राईस आणि कॅप प्राईस इक्विटी शेअर्सच्या दर्शनी मूल्याच्या अनुक्रमे ३५९ पट आणि ३७७ पट आहे. अटलांटा इलेक्ट्रिकल्स आयपीओ लॉट साईज १९ इक्विटी शेअर्सचा आहे आणि त्यानंतर १९ इक्विटी शेअर्सच्या पटीत आहे.
हेही वाचा :
2025 साठी बाबा वेंगाचं सर्वांत मोठं भाकीत!
खूप दिवस डिटॉक्स चहा पिणे आरोग्यासाठी चांगले आहे की हानिकारक?
आदिवासींचा एल्गार; सरकारला झुकवणार?