बारावीच्या पहिल्याच इंग्रजी पेपरला सामूहिक कॉपी केल्याची धक्कादायक (students) घटना छत्रपती संभाजीनगरमध्ये घडली आहे. बोर्डानं लावलेल्या सीसीटीव्ही समोर बसूनच विद्यार्थ्यांनी कॉपी केली आहे. फक्त विद्यार्थी नव्हे तर सामूहिक कॉफीमध्ये त्या परीक्षा केंद्रावरचे केंद्रप्रमुख शिक्षक आणि कर्मचारी सहभागी होते. याप्रकरणी आता बोर्ड आणि शिक्षण विभागाने कठोर कारवाई सुरू केली.याप्रकरणी १९ कर्मचाऱ्यांवर देवगाव रंगारी पोलीस ठाण्यात गुन्हा दाखल करण्यात आला आहे. शिवाय त्यांच्यावर निलंबनाची कारवाई केली आहे. तर तपासणी केल्यानंतर विद्यार्थ्यांवर कारवाई केली जाणार आहे. त्यासाठी त्या केंद्रातील सर्वच विद्यार्थ्यांच्या उत्तरपत्रिका जप्त करण्यात आल्या आहेत. कास्टेडियन मार्फत या उत्तरपत्रिका मागवण्यात येणार असून त्यांच्या उत्तरपत्रिकांची तपासणी केली जाणार आहे. त्यानंतर करवाई करण्यात येणार आहे.
छत्रपती संभाजीनगर जिल्ह्यातील कन्नड तालुक्यातल्या जैतापूरच्या (students) राष्ट्रीय उच्च माध्यमिक विद्यालयात हा प्रकार घडला आहे. बारावीच्या विद्यार्थ्यांना पर्यवेक्षकांसह इतर शिक्षक, कर्मचाऱ्यांनीच परीक्षार्थीना इंग्रजीच्या पेपरसाठी प्रश्नांची उत्तरे पुरवली. त्यानुसार अनेक विद्यार्थी एकाच बाकड्यावर बसून सामूहिक उत्तरे लिहत होते. भरारी पथक येणार त्यावेळी सगळीकडे चिडीचूप झाले. मात्र, शिक्षणाधिकारी अश्विनी लाठकर यांचे पथक केंद्रावर पोहचल्यानंतर त्यांना एकसारखी उत्तरे असणारे ९ कागद सापडले. त्यांना सामूहिक कॉपी झाली असल्याची शंका आली आणि त्यांनी केंद्रावरचे सगळे सीसीटीव्ही फुटेज चेक केले.
या परीक्षा केंद्रातील एकूण १४ वर्गात ३३४ विद्यार्थी परीक्षेसाठी बसले होते.(students) त्यातील ३२७ विद्यार्थ्यांनी परीक्षेला हजेरी लावली. वर्गामध्ये मंडळाच्या आदेशानुसार सीसीटीव्ही बसविलेले आहेत. त्या सीसीटीव्हीमध्ये विद्यार्थी एकमेकांच्या बेंचवर उठून बसत कॉपी करत असल्याचेही दिसले. धक्कादायक म्हणजे केंद्रावरचे शिक्षक, केंद्रप्रमुख सगळे त्यामध्ये सहभागी झाल्याचे दिसले. आता कॉपी करणाऱ्या परीक्षा केंद्रावर अशीच कठोर कारवाई केली जाणार आहे, असं शिक्षण अधिकाऱ्यांनी सांगितले.
हेही वाचा :
T20 World Cup 2026 : दुखापतीला आणखी 1 विकेट, मॅचविनर खेळाडू वर्ल्ड कप स्पर्धेतून आऊट
Jeffrey Epstein Files : जेफ्री एपस्टिनच्या रेड रुममध्ये काय घडायचं ? जगातील सर्वात सुंदर तरुणी…