जेफ्री एपस्टिनशी संबंधित फाईल्स सार्वजनिक होताच जागतिक पातळीवर मोठी (Jeffrey Epstein) खळबळ उडाली आहे. या फाईल्समध्ये जगभरातील अनेक प्रभावशाली व्यक्तींची नावे समोर आल्याने राजकीय आणि सामाजिक वर्तुळात तीव्र प्रतिक्रिया उमटत आहेत. उद्योगपती, राजकारणी तसेच काही देशांच्या नेतृत्वाशी संबंधित व्यक्तींचा उल्लेख या कागदपत्रांमध्ये असल्याचा दावा केला जात असून काही ठिकाणी चौकशीची मागणी, तर काही ठिकाणी राजीनाम्यांचे सूरही ऐकू येत आहेत.
जेफ्री एपस्टिनने आपल्या बेकायदेशीर आणि विकृत कृत्यांसाठी खासगी (Jeffrey Epstein) व्यवस्था उभारल्याचे तपशील समोर आले आहेत. त्यासाठी त्याने एक आयलंड तसेच विविध शहरांतील आलिशान मालमत्तांचा वापर केल्याचा आरोप आहे. याच मालिकेत पॅरिसमधील त्याच्या एका फ्लॅटमधील तथाकथित ‘रेड रूम’चा पर्दाफाश झाला आहे. या गुप्त खोलीत एपस्टिनच्या श्रीमंत पाहुण्यांसाठी खासगी कार्यक्रम आयोजित केले जात असल्याचे माध्यमांच्या अहवालांत नमूद करण्यात आले आहे.
पॅरिसमधील (Jeffrey Epstein) हा आलिशान फ्लॅट आर्क द ट्रायम्फजवळ असल्याचे सांगितले जाते आणि तो काही काळ ‘पापांचे घर’ म्हणून ओळखला जात होता. येथे महिलांकडून खासगी नृत्य सादर केले जात असल्याचे तसेच गंभीर स्वरूपाचे लैंगिक गुन्हे घडल्याचे आरोप आहेत. काही प्रतिष्ठित व्यक्ती या ठिकाणी येत असल्याचेही अहवालांमध्ये नमूद झाले आहे.
गेल्या आठवड्यात अमेरिकेच्या न्याय विभागाने जाहीर केलेल्या काही व्हिडीओंमुळे हा वाद आणखी पेटला आहे. या व्हिडीओंमध्ये एपस्टिन त्या रेड रूममध्ये दिसत असून नाचणाऱ्या महिलांचे चेहरे धूसर करण्यात आले आहेत. त्यामुळे त्यांची ओळख किंवा वय स्पष्ट होत नाही. मात्र या फुटेजमुळे त्या ठिकाणी वारंवार अशा स्वरूपाचे कार्यक्रम होत असल्याचे संकेत मिळतात.
या प्रकरणात ब्रिटनमधील वरिष्ठ नेते पीटर मँडेलसन यांच्याशी (Jeffrey Epstein) संबंधित फोटो आणि आर्थिक व्यवहारांचाही उल्लेख होत आहे. काही जुन्या बँक स्टेटमेंट्सनुसार, 2003 आणि 2004 या काळात एपस्टिनकडून मँडेलसन यांना मोठी रक्कम मिळाल्याचा दावा करण्यात आला आहे. मात्र मँडेलसन यांनी या आरोपांचे खंडन करताना अनेक बाबी आठवत नसल्याचे सांगितले आहे.
दरम्यान, एपस्टिनच्या पॅरिसमधील फ्लॅटचा सध्याचा मालक बल्गेरियन उद्योजक जॉर्जी तुचेव असल्याचे समोर आले असून हा फ्लॅट त्यांनी सुमारे 8.2 दशलक्ष डॉलर्सना खरेदी केल्याची माहिती आहे. एपस्टिन प्रकरणाशी संबंधित हे नवे खुलासे पुढील चौकशी आणि कायदेशीर कारवाईच्या दृष्टीने अत्यंत महत्त्वाचे मानले जात आहेत.
हेही वाचा :
हम दो, हमारे दो दर्जन… ओवैसींच्या पक्षाच्या नेत्याचा नारा, दिलं अजब कारण; देशभर चर्चा
प्रार्थना बेहेरेने सांगितलं मुंबई सोडण्याचं कारण, खुलासा करत म्हणाली- अनेकदा तिथे….
IND vs PAK सामन्यासाठी बांगलादेशचा भारताच्या बाजूने कौल, तर पाकिस्तानने ठेवल्या तीन अटी