Indian Premier League 2026 च्या हंगामाबाबत मोठी अपडेट (major update) समोर येत आहे. सुरुवातीला 26 मार्चपासून स्पर्धेला सुरुवात होणार असल्याची माहिती देण्यात आली होती. मात्र आता या तारखेत बदल होण्याची शक्यता निर्माण झाली आहे. नव्या घडामोडींनुसार आयपीएलचा पहिला सामना 28 किंवा 29 मार्चला खेळवला जाऊ शकतो. बीसीसीआयकडून अधिकृत घोषणा अद्याप झालेली नसली तरी वेळापत्रकात सूक्ष्म बदल करण्याच्या हालचाली सुरू असल्याचं समजत आहे.
क्रिकबझच्या वृत्तानुसार, शनिवार किंवा रविवारी (major update) स्पर्धेची दमदार सुरुवात व्हावी यासाठी 28 आणि 29 मार्च या तारखा विचाराधीन आहेत. पहिल्याच सामन्याला मोठ्या प्रमाणात प्रेक्षकांची उपस्थिती लाभावी, तसेच टीव्ही आणि डिजिटल प्रेक्षकसंख्येत वाढ व्हावी, यासाठी विकेंडचा पर्याय गांभीर्याने पाहिला जात आहे. याआधी फ्रेंचायझींना मिनी लिलावादरम्यान 26 मार्च ही संभाव्य सुरुवातीची तारीख कळवण्यात आली होती, तर अंतिम सामना 31 मे रोजी होईल, अशी प्राथमिक रूपरेषा देण्यात आली होती.
दरम्यान, पश्चिम बंगाल, तामिळनाडू, केरळ आणि आसाम या राज्यांमध्ये होणाऱ्या (major update) विधानसभा निवडणुकांमुळे नियोजनात काही अडचणी निर्माण होऊ शकतात. निवडणूक आयोगाकडून अधिकृत तारखा जाहीर झाल्यानंतरच अंतिम वेळापत्रक ठरवण्याचा विचार असल्याचं बोललं जात होतं. मात्र आयोगाकडून अद्याप स्पष्ट हालचाल दिसून न आल्याने बीसीसीआय पुढील आठवड्यात प्राथमिक वेळापत्रक जाहीर करून नंतर आवश्यक ते बदल करू शकते, अशी शक्यता व्यक्त केली जात आहे.
एकूणच, आयपीएल 2026 च्या बिगुलासाठी क्रिकेटप्रेमींना आणखी काही दिवस प्रतीक्षा करावी लागणार असली तरी स्पर्धेची रंगत नेहमीप्रमाणेच उच्चांक गाठेल, यात शंका नाही.
हेही वाचा :
शाहिद कपूरच्या करियरमधील असा चित्रपट, जिथे हिरॉईनपेक्षाही मिळाले होते कमी पैसे!