होळी आणि रंगपंचमीच्या रंगांमुळे तुमचे आवडते कपडे खराब होण्याची भीती वाटतेय? काळजी करू नका. स्वयंपाकघरातील साध्या वस्तू वापरून तुम्ही कपड्यांवरील पक्के डाग काढू शकता.
सध्या देशभरात धुळवडीची मज्जा मस्ती पाहायला मिळत आहे. अनेक लोक सध्या रंगात न्हाऊन निघाले आहेत. होळी आणि रंगपंचमीचा सण म्हटला की रंगांची उधळण आलीच, पण कधी कधी हीच रंगाची उधळ आपल्या चिंतेचा भाग होऊन जाते. काही वेळा आपले आवडते कपडे पूर्णपणे रंगाने माखतात. (colors of Holi) काही वेळा तर महागडे टी-शर्ट किंवा कुर्ते रंगांच्या डागांमुळे फेकून द्यावे लागतात. तुम्हालाही जर याच गोष्टींची भीती सतावत असेल तर अजिबात घाबरु नका. कारण तुम्ही तुमच्या स्वयंपाकघरातील काही साध्या गोष्टी वापरून हे रंगाचे डाग सहज घालवू शकता.
लिंबू हे नैसर्गिक आम्लयुक्त असल्याने डाग काढण्यासाठी उत्तम मानले जाते. तुमच्या कपड्यार डाग पडलेल्या भागावर अर्धे लिंबू कापून त्यावर थोडे मीठ टाका आणि हलक्या हाताने घासा. १५ मिनिटे तसेच ठेवून द्या. लिंबामुळे रंगातील रासायनिक घटक कमी होतात. ज्यामुळे डाग लवकर निघतात.
जर तुमच्या कपड्यावर पक्का रंग लागला असेल, तर व्हिनेगर हा रामबाण उपाय आहे. एका बादलीत थंड पाणी घेऊन त्यात अर्धा कप पांढरे व्हिनेगर आणि दोन चमचे लिक्विड डिटर्जंट टाका. कपडा किमान २ ते ३ तास त्यात भिजत ठेवा. व्हिनेगरमुळे कापड्यांवर लागलेले रंग लगेचच निघतात. (colors of Holi) पांढऱ्या किंवा फिक्कट रंगाच्या कपड्यांसाठी बेकिंग सोडा अत्यंत प्रभावी ठरतो. बेकिंग सोड्यामध्ये थोडे पाणी मिसळून घट्ट पेस्ट तयार करा. ही पेस्ट डागावर लावा आणि सुकू द्या. सुकल्यानंतर जुन्या टूथब्रशने घासून कोमट पाण्याऐवजी थंड पाण्याने धुवून टाका.
तुम्हाला ऐकून आश्चर्य वाटेल, पण साधी पांढरी टूथपेस्ट रंगाचे डाग काढण्यास मदत करते. तुमच्या ज्या कपड्यावर रंगाचा डाग पडला आहे, त्या ठिकाणी थोडी टूथपेस्ट लावा. यानंतर ती सुकेपर्यंत थांबा. त्यानंतर डिटर्जंट वापरून कपडा धुवा. यामुळे डाग पूर्णपणे जाण्यास मदत होते. आजकाल प्रत्येकाकडे सॅनिटायझर असतेच. सॅनिटायझरमधील अल्कोहोल रंगाला विरघळवण्याचे काम करते. तुमच्या कपड्यावर लागलेल्या डागावर थोडे सॅनिटायझर टाका आणि कापसाने तो भाग टॅप करा. रंग कापसाला चिकटले आणि तुमचा कपड्यावरील रंग आपोआप निघून जाईल.
रंगाचे डाग काढण्यासाठी गरम पाण्याचा वापर करु नका. गरम पाण्यामुळे रंग कापडाच्या धाग्यांमध्ये कायमचा स्थिरावतो. नेहमी गार पाण्याचाच वापर करा. कपड्यावरी रंग सुकण्यापूर्वीच कपडे धुवा.(colors of Holi) त्यामुळे डाग ७० ते ८० टक्के सहज निघतात. रंगीत कपड्यांवर ब्लिच वापरल्याने त्यांचा मूळ रंग उडू शकतो. त्याऐवजी ऑक्सिजन ब्लिच वापरा. रंग काढलेले कपडे थेट कडक उन्हात वाळत घालू नका, सावलीत वाळवा जेणेकरून कापडाचा रंग फिका पडणार नाही. जर कपड्यावर कोरडा गुलाल असेल, तर आधी तो झटकून टाका. थेट पाणी टाकल्यास गुलाल पसरून डाग मोठा होऊ शकतो.
हेही वाचा :
शेतकऱ्यांच्या बँक खात्यात 2000 रुपये कधी येणार, या तारखेला… सर्वात महत्त्वाची अपडेट समोर!
बागेतलं हे फुल घेतं माणसांचा जीव, कधीच लावू नका हात; अन्यथा होतो अनर्थ!
दुसऱ्याच्या घरी जेवण का करू नये? चाणक्य यांनी सांगितलं कारण