राज्यातील वाहनचालकांसाठी हाय सिक्युरिटी रजिस्ट्रेशन प्लेट (news) संदर्भात महत्त्वाची सूचना समोर आली आहे. ठरवलेली मुदत संपल्यानंतरही अनेक वाहनांवर ही नंबर प्लेट बसवलेली नसल्याचे दिसत आहे. केंद्र सरकार आणि राज्य सरकार यांनी सुरक्षेच्या कारणांसाठी हा नियम बंधनकारक केला असून, आता परिवहन विभाग नियमभंग करणाऱ्यांवर थेट कारवाई सुरू करण्याच्या तयारीत आहे.हाय सिक्युरिटी रजिस्ट्रेशन प्लेट ही विशेष तंत्रज्ञानाच्या मदतीने तयार केली जाते. या प्लेटवर युनिक ओळख क्रमांक, होलोग्राम आणि विविध सुरक्षा वैशिष्ट्ये असतात, ज्यामुळे वाहन चोरी, बनावट नंबर प्लेट वापर आणि गुन्हेगारी प्रकरणांवर नियंत्रण ठेवणे सोपे होते. वाहनाची ओळख पटकन पटवण्यासाठी ही प्रणाली प्रभावी ठरते. त्यामुळेच देशभरातील जुन्या आणि नव्या सर्व वाहनांवर ही प्लेट बसवणे सक्तीचे करण्यात आले आहे.
या नंबर प्लेटमुळे वाहतूक नियमांची अंमलबजावणी अधिक पारदर्शक होते,(news) तसेच पोलिस आणि प्रशासनाला वाहनांची माहिती त्वरित तपासता येते. सरकारने सुरक्षेच्या दृष्टीने ही व्यवस्था लागू केली असली, तरी अनेक वाहनधारकांनी याकडे दुर्लक्ष केल्याने आता कठोर पावले उचलली जात आहेत.महाराष्ट्रात हाय सिक्युरिटी रजिस्ट्रेशन प्लेट बसवण्यासाठी ३१ डिसेंबर २०२५ ही अंतिम मुदत देण्यात आली होती. मात्र ही तारीख उलटूनही मोठ्या संख्येने वाहनांवर अद्याप ही प्लेट बसवलेली नाही. परिणामी परिवहन विभाग अॅक्शन मोडमध्ये आला असून, १८ फेब्रुवारीपासून राज्यभर विशेष तपासणी मोहीम सुरू केली जाणार आहे. ज्या वाहनांवर ही प्लेट आढळणार नाही, त्यांच्यावर थेट दंडात्मक कारवाई केली जाईल.
या तपासणीत फक्त नंबर प्लेटच नव्हे, तर नोंदणी प्रमाणपत्र, वाहन विमा, (news)प्रदूषण नियंत्रण प्रमाणपत्र आणि वाहनचालक परवाना ही कागदपत्रेही तपासली जातील. यापैकी कोणतेही कागदपत्र अपूर्ण किंवा नसल्यास स्वतंत्र दंड आकारला जाऊ शकतो. त्यामुळे वाहनधारकांनी सर्व कागदपत्रे अद्ययावत ठेवणे आवश्यक आहे.ज्या वाहनधारकांनी ३१ डिसेंबर २०२५ पूर्वी हाय सिक्युरिटी रजिस्ट्रेशन प्लेटसाठी ऑनलाईन नोंदणी केली आहे, मात्र अद्याप प्लेट बसवून घेतलेली नाही, त्यांना १५ दिवसांची सवलत देण्यात आली आहे. अशा वाहनांवर १८ फेब्रुवारीपर्यंत कोणतीही कारवाई केली जाणार नाही. मात्र ज्यांनी ३१ डिसेंबरनंतर अर्ज केला आहे किंवा अजूनही नोंदणी केलेली नाही, त्यांना दंड भरावा लागणार आहे.नियमांचे उल्लंघन करणाऱ्या वाहनचालकांना किमान १००० रुपयांपर्यंत दंड आकारला जाऊ शकतो. कागदपत्रांमध्ये त्रुटी आढळल्यास ही रक्कम आणखी वाढू शकते. त्यामुळे वेळेत हाय सिक्युरिटी रजिस्ट्रेशन प्लेट बसवून घेणे वाहनधारकांच्या हिताचे ठरणार आहे.
हेही वाचा :
खुशखबर! आयकर विभागात नोकरीची संधी; पगार ८१,८०० रुपये; अर्ज कसा करावा?
सेमीफायनलमध्ये अफगाण शतकी जोडीचा धडाका! भारतासमोर 311 धावांचे तगडे लक्ष्य, फायनलची लढत रंगणार