राज्याचे दिवंगत उपमुख्यमंत्री आणि राष्ट्रवादीचे ज्येष्ठ नेते Ajit Pawar यांच्या निधनाला (NCP leader) आता महिन्यापेक्षा अधिक काळ उलटला असला तरी त्यांच्या आठवणी आजही महाराष्ट्राच्या जनमानसात ताज्याच आहेत. त्यांच्या कार्याचा सन्मान राखण्यासाठी आणि त्यांच्या नावाचा गैरवापर होऊ नये यासाठी आता एक महत्त्वाचा निर्णय घेण्यात आला आहे. पुढे कोणत्याही उपक्रमाला किंवा संस्थेला अजित पवार यांचे नाव देताना त्यांच्या कुटुंबीयांची लेखी परवानगी घेणे बंधनकारक करण्यात आले आहे. यासंदर्भात राज्याच्या धर्मादाय आयुक्तांनी स्पष्ट निर्देश जारी केले असून राज्यातील सर्व सार्वजनिक संस्था आणि नोंदणी कार्यालयांना याबाबत सूचना देण्यात आल्या आहेत.
२८ जानेवारी २०२६ रोजी बारामती विमानतळावर (NCP leader) झालेल्या दुर्दैवी अपघातात अजित पवार यांचे निधन झाले होते. या घटनेनंतर संपूर्ण महाराष्ट्रात शोककळा पसरली होती. राज्याच्या राजकारणात त्यांचे मोठे योगदान असल्याने अनेक ठिकाणी त्यांच्या स्मृती जपण्यासाठी स्मारक उभारणे, ट्रस्ट सुरू करणे, सामाजिक उपक्रम राबवणे तसेच विविध योजनांना त्यांचे नाव देण्याचे प्रयत्न सुरू झाले. मात्र या प्रक्रियेत सुसूत्रता राहावी आणि त्यांच्या नावाचा कुठेही चुकीचा किंवा अनधिकृत वापर होऊ नये, या उद्देशाने पवार कुटुंबीयांनी पुढाकार घेतला आहे.
उपमुख्यमंत्री Sunetra Pawar यांच्या विशेष कार्यकारी अधिकारी (NCP leader) सुनीलकुमार मुसळे यांनी या संदर्भात राज्याच्या धर्मादाय आयुक्तांना अधिकृत पत्र दिले आहे. या पत्रामध्ये अजित पवार यांच्या स्मरणार्थ कुठेही स्मारक उभारणे, नवीन संस्था किंवा ट्रस्ट स्थापन करणे अथवा कोणताही सार्वजनिक उपक्रम राबवताना पवार कुटुंबीयांची लेखी परवानगी आणि ‘ना हरकत प्रमाणपत्र’ (NOC) घेणे आवश्यक असल्याचे स्पष्ट करण्यात आले आहे.
या पत्राची दखल घेत धर्मादाय (NCP leader) आयुक्तांनी तातडीने कार्यवाही केली आहे. राज्यातील सर्व धर्मादाय उपआयुक्त आणि सहाय्यक आयुक्त कार्यालयांना याबाबत सूचना पाठवण्यात आल्या आहेत. तसेच सर्व सार्वजनिक संस्थांना ही माहिती मिळावी यासाठी संबंधित कार्यालयांच्या नोटीस बोर्डावर हे निर्देश ठळकपणे लावण्याचे आदेश देण्यात आले आहेत. त्यामुळे आता कोणताही नवीन ट्रस्ट नोंदणीसाठी अर्ज करताना किंवा सार्वजनिक कार्यक्रमात अजित पवार यांचे नाव वापरताना त्यांच्या कुटुंबीयांची अधिकृत संमती असल्याशिवाय पुढील प्रक्रिया पूर्ण करता येणार नाही.
अजित पवार यांच्या कार्याचा सन्मान राखत त्यांच्या नावाचा आदर कायम राहावा (NCP leader) आणि भविष्यात कोणताही गैरवापर होऊ नये, हा या निर्णयामागचा मुख्य उद्देश असल्याचे सांगितले जात आहे. त्यांच्या राजकीय आणि सामाजिक योगदानाच्या स्मृती जपताना पारदर्शकता राखण्याचा हा प्रयत्न असल्याचेही प्रशासनाकडून स्पष्ट करण्यात आले आहे.
हेही वाचा :
उन्हाळ्यात चेहरा धुण्यासाठी वापरा 5 गोष्टी, त्वचा काचेसारखी होईल चमकदार
गृहकर्जासोबत Home Loan Insurance घेणे किती महत्वाचे? जाणून घ्या
तुम्हाला क्रेडिट कार्ड, बँकेकडून कर्ज मिळत नाही का? ‘या’ टिप्स जाणून घ्या