राजस्थानात निळ्या ड्रममधून उघडकीस आलेलं भयानक रहस्य : (rajasthan)पत्नी आणि प्रियकरानेच रचला खूनाचा कट राजस्थानच्या अलवर जिल्ह्यातील खैरथल परिसरातील किशनगढबास शहर हादरवून सोडणारी एक धक्कादायक घटना समोर आली आहे. एका निळ्या ड्रममधून मृतदेह आढळल्याने खळबळ उडाली असून पोलिसांनी मोठ्या शिताफीने या प्रकरणाचा तपास करत पत्नी आणि तिच्या प्रियकराला अटक केली आहे. मृत व्यक्तीचं नाव हंसराम उर्फ हंसराज असून त्याची पत्नी लक्ष्मी देवी आणि तिचा प्रियकर जितेंद्र कुमार यांना पोलिसांनी गजाआड केलं आहे. विशेष म्हणजे, या दोघांसोबत मृताची तीन लहान मुलंही होती, ज्यांना सुरक्षित बाहेर काढण्यात यश आलं आहे.
पोलिसांची कारवाई किशनगढबास पोलीसांनी मिळालेल्या माहितीनुसार, ही कारवाई रामगढ परिसरातील अलवाडा गावाजवळ करण्यात आली. आरोपींना स्थानिक वीटभट्टीतून ताब्यात घेण्यात आलं. या ठिकाणी लोकांना लक्ष्मी आणि जितेंद्र यांच्या हालचाली संशयास्पद वाटल्या. पोलिसांना माहिती मिळताच त्यांनी घटनास्थळी धाव घेतली. (rajasthan)अटक करण्याचा प्रयत्न होताच दोघे पळण्याचा प्रयत्न करू लागले, मात्र पोलिसांनी शिताफीने पाठलाग करून त्यांना पकडलं.
मुलांची सुरक्षितता या प्रकरणातील सर्वांत संवेदनशील बाब म्हणजे मृताची तीन लहान मुलं देखील आरोपींसोबत होती. पोलिसांनी तत्काळ कारवाई करत ही मुलं सुरक्षित पोलीस ताब्यात घेतली आहेत. त्यामुळे स्थानिक नागरिकांमध्ये थोडा दिलासा निर्माण झाला आहे.
प्रेमसंबंधातून खूनाचा कट एसपी मनीष चौधरी यांनी दिलेल्या माहितीनुसार, लक्ष्मी देवी सोशल मीडियावर सतत रील तयार करत असे. या दरम्यान तिची जितेंद्र कुमारशी जवळीक वाढली आणि दोघांमध्ये अवैध संबंध निर्माण झाले.(rajasthan) पती हंसराम या नात्याच्या आड येत असल्यामुळे आणि घर सोडून दुसरीकडे जाण्याचा विचार करत असल्यामुळे लक्ष्मी आणि जितेंद्र यांनी मिळून त्याचा खून करण्याचा कट रचला.
निळ्या ड्रममागील फसवणूक तपासात पोलिसांना आणखी धक्कादायक माहिती मिळाली. लक्ष्मी देवीने घरमालक मिथलेशकडून पाणी साठवण्याच्या बहाण्याने एक निळा ड्रम मागितला होता. तिने सांगितले होते की, कॉलनीत पाणीपुरवठा तीन दिवसांतून एकदाच होत असल्यामुळे साठवणुकीसाठी ड्रम आवश्यक आहे. मात्र प्रत्यक्षात या ड्रमचा वापर पतीचा खून लपवण्यासाठी करण्यात आला. पोलिसांच्या मते, उत्तर प्रदेशातील मेरठ येथील अशाच एका प्रकरणापासून प्रेरणा घेऊन या दोघांनी हा संपूर्ण कट आखला.
खूनाची भयानक पद्धत दोघांनी मिळून हंसरामचा गळा कापून हत्या केली. त्यानंतर मृतदेह निळ्या ड्रममध्ये ठेवण्यात आला. दुर्गंधी टाळण्यासाठी शरीरावर मीठ शिंपडलं आणि त्यावर बेडशीट टाकून झाकलं. काही दिवस हा मृतदेह लपवण्याचा प्रयत्न करण्यात आला. पण स्थानिक लोकांच्या सतर्कतेमुळे अखेर पोलिसांपर्यंत माहिती पोहोचली आणि कटाचा पर्दाफाश झाला.
पुढील चौकशी सध्या, पोलिस दोन्ही आरोपींची कसून चौकशी करत आहेत. सोमवार संध्याकाळपर्यंत संपूर्ण तपशीलवार खुलासा केला जाईल, असं अधिकाऱ्यांनी सांगितलं आहे. या घटनेमुळे अलवर जिल्ह्यात मोठी खळबळ उडाली असून नागरिकांमध्ये भीतीचं वातावरण आहे. स्थानिक लोक आरोपींवर कठोरात कठोर कारवाई व्हावी, तसेच तीन मुलांच्या भवितव्याची काळजी घ्यावी, अशी मागणी करत आहेत.
हेही वाचा :
अनैतिक संबंधाच्या संशयातून संताप; नवऱ्याने जावयाच्या मुलाचा गुप्तांग तोडला
Oppo F31 सीरीज भारतात लाँच होणार, वाचा फीचर्स आणि किंमत
पतीची हत्या करून ड्रममध्ये ठेवला मृतदेह, पत्नीने प्रेयसीसोबत केली पलायन