पश्चिम आशियात तणाव दिवसेंदिवस अधिकच तीव्र होत चालला असून (dangerous turn) इराण आणि इस्रायल-अमेरिका यांच्यातील संघर्षाने धोकादायक वळण घेतले आहे. जगातील सर्वात महत्त्वाच्या समुद्री तेलमार्गांपैकी एक असलेल्या स्ट्रेट ऑफ होर्मुझ परिसरात लष्करी हालचाली वाढल्या आहेत. या पार्श्वभूमीवर अमेरिकेचे राष्ट्राध्यक्ष Donald Trump यांनी इराणला कठोर इशारा देत समुद्री मार्गात भूसुरुंग पेरण्याचा प्रयत्न केल्यास गंभीर परिणामांना सामोरे जावे लागेल, असे स्पष्ट केले आहे.
ट्रम्प यांनी आपल्या (dangerous turn) सोशल मीडिया प्लॅटफॉर्मवर पोस्ट करत म्हटले की, इराणने स्ट्रेट ऑफ होर्मुझमध्ये भूसुरुंग पेरले असल्याची अधिकृत माहिती अमेरिकेकडे नाही. मात्र असे काही झाले असेल तर ते भूसुरुंग तातडीने हटवले गेले पाहिजेत. इराणने जर हा निर्णय घेतला तर ते योग्य पाऊल ठरेल, असेही त्यांनी नमूद केले. या वक्तव्यानंतर काही वेळातच ट्रम्प यांनी आणखी एक पोस्ट करत मोठा दावा केला. मागील काही तासांत भूसुरुंग पेरण्याच्या प्रयत्नात असलेल्या १० जहाजांना अमेरिकन सैन्याने पूर्णपणे नष्ट केल्याचे त्यांनी सांगितले. यापुढेही अशा कोणत्याही जहाजांना लक्ष्य केले जाईल, असेही त्यांनी स्पष्ट केले.
ट्रम्प यांच्या म्हणण्यानुसार, स्ट्रेट ऑफ होर्मुझमध्ये भूसुरुंग (dangerous turn) टाकण्याचा प्रयत्न करणाऱ्या जहाजांविरोधात अमेरिकेने विशेष तांत्रिक क्षमता आणि अत्याधुनिक क्षेपणास्त्र प्रणालींचा वापर केला आहे. हीच तंत्रज्ञान पूर्वी समुद्रातील अमली पदार्थांची तस्करी रोखण्यासाठी वापरली जात होती, असेही त्यांनी सांगितले. त्यामुळे या भागातील समुद्री सुरक्षेला प्राधान्य देत अमेरिकन सैन्य मोठ्या प्रमाणावर कारवाई करत असल्याचे संकेत मिळत आहेत.
दरम्यान, अमेरिकेच्या United States Central Command अर्थात यूएसए सेंट्रल कमांडनेही सोशल मीडियावर एक व्हिडिओ शेअर करत समुद्रातील लष्करी कारवायांची माहिती दिली आहे. या व्हिडिओत अमेरिकन नौदलाची शक्ती दाखवण्यात आली असून आंतरराष्ट्रीय जहाजांना त्रास देण्याची इराणची क्षमता कमी करण्यासाठी ही कारवाई सुरू असल्याचे सांगण्यात आले आहे. अनेक वर्षांपासून या समुद्री मार्गावरील जहाजवाहतुकीसाठी इराणी सैन्याचा धोका वाढत असल्याचा आरोपही अमेरिकेने केला आहे.
व्हाइट हाऊसच्या पत्रकार (dangerous turn) परिषदेत प्रेस सचिव Karoline Leavitt यांनी परिस्थितीवर भाष्य करत सांगितले की, अमेरिकेने इराणमध्ये थेट सैन्य पाठवण्याचा पर्याय अद्याप नाकारलेला नाही. अमेरिकेच्या या लष्करी मोहिमेला “एपिक फ्यूरी” असे नाव देण्यात आले असून उद्दिष्ट पूर्ण होईपर्यंत ही कारवाई सुरू राहणार असल्याचे त्यांनी स्पष्ट केले.
दरम्यान, इराणनेही अमेरिकेच्या कारवाईला जोरदार प्रत्युत्तर देण्यास सुरुवात केली आहे. आखातातील अमेरिकन लष्करी तळ, दूतावास तसेच तेल शुद्धीकरण प्रकल्पांना लक्ष्य करत इराणकडून हल्ले सुरू असल्याचे वृत्त आहे. विशेषतः United Arab Emirates, Saudi Arabia, Qatar, Kuwait, Bahrain आणि Jordan या देशांमधील महत्त्वाच्या ठिकाणांवर इराणकडून हल्ल्यांचे प्रयत्न सुरू असल्याचे सांगितले जात आहे.
या घडामोडींमुळे संपूर्ण पश्चिम आशियातील स्थिती (dangerous turn) अत्यंत तणावपूर्ण बनली असून जागतिक पातळीवर चिंता वाढली आहे. जगातील मोठ्या प्रमाणातील तेल वाहतूक या समुद्री मार्गातून होत असल्याने या संघर्षाचा परिणाम जागतिक अर्थव्यवस्था, ऊर्जा बाजार आणि आंतरराष्ट्रीय सुरक्षेवर होण्याची शक्यता व्यक्त केली जात आहे. तणाव कमी करण्यासाठी आंतरराष्ट्रीय स्तरावर प्रयत्न सुरू असले तरी सध्या परिस्थिती वेगाने बिघडत असल्याचे संकेत मिळत आहेत.
हेही वाचा :
उन्हाळ्यात चेहरा धुण्यासाठी वापरा 5 गोष्टी, त्वचा काचेसारखी होईल चमकदार
गृहकर्जासोबत Home Loan Insurance घेणे किती महत्वाचे? जाणून घ्या
तुम्हाला क्रेडिट कार्ड, बँकेकडून कर्ज मिळत नाही का? ‘या’ टिप्स जाणून घ्या