प्रयागराज येथील कुंभमेळा दरम्यान व्हायरल झालेली घाऱ्या डोळ्यांची मोनालिसा पुन्हा एकदा चर्चेत आली आहे. सोशल मीडियावर लोकप्रिय झाल्यानंतर तिच्या वैयक्तिक आयुष्याबाबत अनेक बातम्या समोर येत होत्या. आता मोनालिसाने आपल्या प्रियकर फरमानसोबत विवाह केल्याची माहिती समोर आली असून या लग्नामुळे सोशल मीडियावर मोठी चर्चा रंगली आहे.
मोनालिसा आणि फरमान यांनी केरळमध्ये (dark-eyed Monalisa) जाऊन हिंदू विवाह पद्धतीने लग्न केल्याचे सांगितले आहे. या विवाहावेळी काही जणांनी मोनालिसा अल्पवयीन असल्याचा दावा केला होता. मात्र मोनालिसा आणि तिचा पती फरमान यांनी तो आरोप फेटाळून लावत आपल्या वयाचा अधिकृत पुरावा सादर केला. त्यामुळे ती अल्पवयीन असल्याची चर्चा निराधार असल्याचे स्पष्ट झाले आहे.
या विवाहाला मोनालिसाच्या (dark-eyed Monalisa) कुटुंबीयांचा विरोध होता, अशी माहितीही समोर आली आहे. कुटुंबीयांचा विरोध आणि निर्माण झालेल्या वादाच्या पार्श्वभूमीवर मोनालिसाने पोलीस संरक्षणात हा विवाह केल्याचे सांगितले जाते. गेल्या दीड वर्षांपासून मोनालिसा आणि फरमान यांच्यात प्रेमसंबंध होते आणि अखेर त्यांनी एकत्र आयुष्य जगण्याचा निर्णय घेतला.
मात्र फरमान मुस्लीम असल्यामुळे या लग्नाबाबत सोशल मीडियावर “लव्ह जिहाद”चा आरोपही करण्यात आला. या आरोपांवर मोनालिसाने स्वतः समोर येत स्पष्टीकरण दिले आहे. तिने सांगितले की, त्यांच्या विवाहात कोणताही दबाव किंवा फसवणूक नाही. उलट फरमान सुरुवातीला लग्नासाठी तयार नव्हता आणि तिनेच त्याला लग्नासाठी तयार केले.
फरमाननेही या प्रकरणावर बोलताना स्पष्ट केले की, दोघांनीही आपला (dark-eyed Monalisa) धर्म बदललेला नाही. मोनालिसा हिंदू आहे आणि ती पुढेही हिंदूच राहणार आहे. तसेच त्यांच्या विवाहात कोणताही धार्मिक बदल झालेला नाही. मोनालिसाला जे योग्य वाटेल तेच होईल आणि तिच्या इच्छेविरुद्ध कोणताही निर्णय घेतला जाणार नाही, असेही त्याने स्पष्ट केले. प्रेमाला जात किंवा धर्म नसतो, असेही त्याने नमूद केले.
मोनालिसा आणि फरमान (dark-eyed Monalisa) यांनी आम्ही स्वखुशीने लग्न केल्याचे सांगत सर्व आरोप फेटाळून लावले आहेत. त्यामुळे या प्रकरणात लव्ह जिहादचा दावा निराधार असल्याचे त्यांनी स्पष्ट केले. दरम्यान, मोनालिसा लवकरच एका चित्रपटातून झळकणार असल्याची माहिती आहे. फरमान देखील अभिनय क्षेत्रात कार्यरत असून त्यांच्या लग्नानंतर दोघांच्या करिअरकडेही चाहत्यांचे लक्ष लागले आहे.
हेही वाचा :
युद्धाचा मोठा फटका, शेअर मार्केट कोसळलं, गुंतवणूकदारांचं प्रचंड नुकसान
वाढत्या महागाईमुळे बचत कमी झाली, सामना कसा करायचा, जाणून घ्या
कर्जातून मुक्त व्हायचंय? मग करा वास्तुशास्त्रामधील हे सोपे उपाय, पैशांची चिंता होईल झटक्यात दूर