अनेकांना अपयश आल्यावर मार्ग बदलण्याची किंवा प्रयत्न सोडून देण्याची (efforts) वेळ येते. मात्र काही लोक अशा परिस्थितीतही जिद्द आणि सातत्य सोडत नाहीत. मध्य प्रदेशातील चंदेरी येथील विवेक यादव यांची कहाणी अशीच प्रेरणादायी आहे. तब्बल २० वेळा विविध स्पर्धा परीक्षांमध्ये अपयश आले, तरी त्यांनी हार मानली नाही. अखेर त्यांच्या चिकाटीला यश मिळाले आणि त्यांनी सलग दोन वेळा यूपीएससी परीक्षा उत्तीर्ण करून आपले स्वप्न साकार केले.
विवेक यादव हे मध्य प्रदेशातील (efforts) चंदेरी येथील रहिवासी आहेत. त्यांचे वडील नवल सिंह यादव हे ड्रायव्हर म्हणून काम करतात, तर आई घरातून शिलाईचे काम करून कुटुंबाला हातभार लावते. घरची आर्थिक परिस्थिती बेताची असतानाही त्यांच्या आई-वडिलांनी मुलांच्या शिक्षणात कधीही कमतरता येऊ दिली नाही. उलट त्यांनी विवेकला नेहमी अभ्यासासाठी प्रोत्साहन दिले आणि मोठे स्वप्न पाहण्याची प्रेरणा दिली.
विवेक यांनी आपले शालेय शिक्षण चंदेरी येथील सरस्वती विद्या मंदिरमध्ये (efforts) पूर्ण केले. त्यानंतर त्यांनी दिल्ली विद्यापीठातून इतिहास विषयात पदवी मिळवली. पुढे इंदिरा गांधी नॅशनल ओपन युनिव्हर्सिटीमधून इतिहास विषयात पदव्युत्तर शिक्षण पूर्ण केले. शिक्षण पूर्ण झाल्यानंतर त्यांनी सरकारी नोकरीसाठी स्पर्धा परीक्षांची तयारी सुरू केली.
या प्रवासात त्यांना अनेक (efforts) वेळा अपयशाचा सामना करावा लागला. त्यांनी MPPSC, UPPSC, CAPF आणि BPSC यांसारख्या विविध राज्य आणि केंद्रीय स्तरावरील परीक्षांना बसून एकूण सुमारे २० वेळा प्रयत्न केले, पण प्रत्येक वेळी अपयश पदरी पडले. तरीही त्यांनी हार मानली नाही आणि अभ्यास सुरूच ठेवला.
राज्यस्तरीय परीक्षांनंतर त्यांनी यूपीएससीची तयारी सुरू केली. अखेर २०२४ मध्ये त्यांच्या मेहनतीचे फळ मिळाले. त्यांनी यूपीएससी परीक्षेत ४१३वा क्रमांक मिळवला आणि त्यांची असिस्टंट कमिश्नर (रेल्वे) पदासाठी निवड झाली. मात्र त्यांचे स्वप्न आयपीएस अधिकारी होण्याचे होते. त्यामुळे त्यांनी पुन्हा एकदा यूपीएससी परीक्षा देण्याचा निर्णय घेतला.
जिद्द, चिकाटी आणि सातत्य यांच्या जोरावर त्यांनी पुन्हा (efforts) परीक्षा दिली आणि यावेळीही त्यांना यश मिळाले. विवेक यादव यांची ही कहाणी अनेक तरुणांसाठी प्रेरणादायी ठरत आहे. वारंवार अपयश आले तरी प्रयत्न सुरू ठेवले, तर एक दिवस यश नक्की मिळते, हे त्यांनी आपल्या कृतीतून सिद्ध करून दाखवले.
हेही वाचा :
इराण–अमेरिका युद्धाचा फटका सामान्य जनतेला, हजारो कामगारांची नोकरी जाणार? गॅस टंचाईमुळे उद्योग संकटात
सावधान! LPG गॅस कनेक्शनच्या नावाखाली मोठा फ्रॉड, चार दिवसात सायबर भामट्यांचा नागरिकांना लाखोंचा गंडा
सिलेंडरनंतर आता बाटलीबंद पाणीही मिळणं होणार मुश्किल; भारतासमोर नवं संकट?