केंद्रीय लोकसेवा आयोगाची म्हणजेच Union Public Service Commission (UPSC) परीक्षा ही जगातील (toughest) सर्वात कठीण स्पर्धा परीक्षांपैकी एक मानली जाते. दरवर्षी देशभरातील लाखो विद्यार्थी ही परीक्षा उत्तीर्ण होऊन देशसेवा करण्याचे स्वप्न पाहतात. मात्र या परीक्षेत यश मिळवण्यासाठी प्रचंड मेहनत, सातत्य आणि संयम आवश्यक असतो. अशाच जिद्दीची प्रेरणादायी कहाणी म्हणजे Sanjita Mohapatra यांची.
ओडिशातील राउरकेला येथील रहिवासी असलेल्या संजिता महापात्रा लहानपणापासूनच अभ्यासू आणि जिज्ञासू स्वभावाच्या होत्या. नवीन गोष्टी शिकण्याची त्यांना विशेष आवड होती. शालेय शिक्षण पूर्ण झाल्यानंतर त्यांनी अभियांत्रिकी क्षेत्राची निवड केली आणि देशातील प्रतिष्ठित संस्थांपैकी एक असलेल्या Indian Institute of Technology Kanpur मध्ये मेकॅनिकल इंजिनिअरिंगसाठी प्रवेश घेतला. इंजिनिअरिंगचे शिक्षण घेत असतानाच त्यांनी UPSC परीक्षेची तयारी करण्याचा निर्णय घेतला.
पदवी पूर्ण झाल्यानंतर संजिता (toughest) यांनी पूर्ण वेळ UPSCच्या अभ्यासाला सुरुवात केली. मात्र सुरुवातीचा प्रवास खूप कठीण होता. त्यांच्या पहिल्या तीन प्रयत्नांमध्ये त्यांना प्रिलिम्स परीक्षा देखील पार करता आली नाही. सततच्या अपयशामुळे त्या काही काळ निराश झाल्या आणि त्यांनी एका कंपनीत नोकरी करण्याचा निर्णय घेतला.
नोकरी करत असतानाच त्यांनी चौथ्यांदा UPSCचा प्रयत्न केला. मात्र या वेळीही त्यांना यश मिळाले नाही. तरीही त्यांनी हार मानली नाही. उलट आपल्या तयारीत सुधारणा करण्याचा निर्णय घेत त्यांनी नोकरी सोडली आणि पुन्हा नव्या जोमाने अभ्यासाला सुरुवात केली. विशेष म्हणजे त्यांनी कोणत्याही कोचिंग क्लासचा आधार न घेता स्वतःच अभ्यास केला. ऑनलाइन स्रोत, NCERT पुस्तके आणि वर्तमानपत्रांच्या मदतीने त्यांनी सातत्याने अभ्यास केला.
UPSCची तयारी सुरू असतानाच त्यांच्या आयुष्यात आणखी (toughest) एक महत्त्वाचा टप्पा आला. त्यांनी लग्न केले. मात्र लग्नानंतरही त्यांच्या स्वप्नांना कुटुंबाचा पूर्ण पाठिंबा मिळाला. त्यांचे पती Biswa Ranjan Mundari हे Reserve Bank of India मध्ये व्यवस्थापक म्हणून कार्यरत आहेत आणि त्यांनी संजिता यांच्या तयारीत महत्त्वाची साथ दिली.
कठोर परिश्रम, चिकाटी आणि सातत्याच्या जोरावर अखेर 2019 मध्ये संजिता महापात्रा यांनी UPSC परीक्षा उत्तीर्ण केली. या परीक्षेत त्यांनी संपूर्ण देशात 10वा क्रमांक मिळवत मोठे यश संपादन केले. चार वेळा अपयश आल्यानंतरही हार न मानता केलेल्या प्रयत्नांमुळे त्यांनी आपले स्वप्न पूर्ण केले. त्यांचा हा प्रवास अनेक UPSC इच्छुकांसाठी प्रेरणादायी ठरतो.
हेही वाचा :
Bluetooth आणि Wi-Fi सुरू ठेवल्याने खरंच बॅटरी संपते का? तज्ज्ञ म्हणतात
तुमच्या मुलांचे फोटोज सोशल मीडियावर पोस्ट करू नका नाहीतर
शरीरात प्रोटीनची कमी? दररोजच्या आहारात करा या कडधान्याचा समावेश