जागतिक बाजारात कच्च्या तेलाच्या किमतींमध्ये झालेल्या वाढीमुळे इंधन दर पुन्हा चर्चेत आले आहेत.(prices) सध्या सुरू असलेल्या आंतरराष्ट्रीय तणावाच्या पार्श्वभूमीवर कच्च्या तेलाचा दर 102 डॉलरच्या पुढे गेला आहे. त्यामुळे भारतात पेट्रोल आणि डिझेलच्या किमतींवर याचा पुढे काय परिणाम होऊ शकतो, याबाबत सर्वसामान्यांमध्ये उत्सुकता निर्माण झाली आहे.14 मार्च 2026 रोजी सकाळी सरकारी तेल विपणन कंपन्यांनी देशभरातील पेट्रोल आणि डिझेलचे अद्ययावत दर जाहीर केले. भारतात दररोज सकाळी इंधनाचे नवीन दर प्रसिद्ध केले जातात. राज्यनिहाय कर, स्थानिक कर आणि वाहतूक खर्च यामुळे वेगवेगळ्या शहरांमध्ये किंमतीत काही फरक दिसून येतो. Goodreturns या संकेतस्थळावरील माहितीनुसार काही शहरांमध्ये दरात किरकोळ वाढ तर काही ठिकाणी थोडी घट नोंदवली गेली आहे.
राजधानी नवी दिल्ली येथे पेट्रोलचा दर प्रति लिटर 94.77 रुपये असून (prices) डिझेलचा दर 87.67 रुपये आहे. आर्थिक राजधानी मुंबई मध्ये पेट्रोल 103.44 रुपये प्रति लिटर तर डिझेल 89.97 रुपये प्रति लिटर इतके आहे. कोलकाता शहरात पेट्रोलचा दर 104.95 रुपये असून डिझेल 91.76 रुपये प्रति लिटर आहे. तसेच चेन्नई येथे पेट्रोल 101.03 रुपये आणि डिझेल 92.61 रुपये प्रति लिटर दराने विकले जात आहे.जागतिक बाजारात कच्च्या तेलाच्या दरात मोठी उसळी दिसून आली आहे. 14 मार्च 2026 च्या सकाळी Brent Crude सुमारे 102.77 डॉलर प्रति बॅरल या पातळीवर व्यवहार करत असल्याची नोंद आहे. यापूर्वी हा दर जवळपास 66.26 डॉलर प्रति बॅरल इतका होता.
या झपाट्याने झालेल्या वाढीचा परिणाम आगामी काळात देशातील पेट्रोल (prices) आणि डिझेलच्या किमतींवर होण्याची शक्यता तज्ज्ञ व्यक्त करत आहेत. त्यामुळे पुढील काही दिवसांत इंधन दरांमध्ये चढ-उतार सुरू राहू शकतात.दरम्यान, महाराष्ट्रातील सीएनजीच्या किमतींबाबतही ग्राहकांचे लक्ष लागले आहे. 14 मार्च 2026 रोजी विविध शहरांतील सीएनजीचे दर पुढीलप्रमाणे आहेत. मुंबईमध्ये सीएनजीचा दर प्रति किलो 94.60 रुपये आहे. पुणे येथे हा दर 93.25 रुपये प्रति किलो नोंदवला गेला आहे. नवी मुंबई मध्ये सीएनजी 94.00 रुपये प्रति किलो आहे. नाशिक शहरात दर 94.50 रुपये प्रति किलो तर ठाणे येथे 94.40 रुपये प्रति किलो आहे. स्थानिक कर, वाहतूक खर्च आणि सरकारी नियमांमुळे या किमतींमध्ये वेळोवेळी बदल होऊ शकतात.
हेही वाचा :
इराण–अमेरिका युद्धाचा फटका सामान्य जनतेला, हजारो कामगारांची नोकरी जाणार? गॅस टंचाईमुळे उद्योग संकटात
सावधान! LPG गॅस कनेक्शनच्या नावाखाली मोठा फ्रॉड, चार दिवसात सायबर भामट्यांचा नागरिकांना लाखोंचा गंडा
सिलेंडरनंतर आता बाटलीबंद पाणीही मिळणं होणार मुश्किल; भारतासमोर नवं संकट?