देशात गेल्या काही दिवसांपासून सोन्या-चांदीच्या किमतींमध्ये सातत्याने बदल होत आहेत.(cheaper) विशेषतः सलग तिसऱ्या दिवशी सोन्याच्या दरात घट नोंदवली गेली असून चांदीची किंमतही खाली आली आहे. 14 मार्च रोजी सकाळी सराफा बाजारात झालेल्या घसरणीमुळे ग्राहकांसाठी खरेदीची संधी निर्माण झाल्याचे मानले जात आहे.सोन्याच्या किमतींमध्ये मागील तीन दिवसांपासून सुरू असलेली घसरण अजूनही कायम आहे. राजधानी नवी दिल्ली येथे 14 मार्चच्या सकाळी 24 कॅरेट सोन्याचा दर 10 ग्रॅमसाठी 1,60,830 रुपयांपर्यंत खाली आला आहे. तर 22 कॅरेट सोन्याची किंमत 10 ग्रॅममागे 1,47,440 रुपये इतकी नोंदवली गेली आहे. त्याचप्रमाणे मुंबई , चेन्नई आणि कोलकाता या शहरांमध्ये 24 कॅरेट सोन्याचा दर 1,60,680 रुपये प्रति 10 ग्रॅम आहे, तर 22 कॅरेट सोन्याचा दर 1,47,290 रुपये प्रति 10 ग्रॅम इतका नोंदवला गेला आहे.
पुणे आणि बेंगळुरू या शहरांमध्येही जवळपास हेच दर दिसून येत आहेत.(cheaper) येथे 24 कॅरेट सोन्याची किंमत 10 ग्रॅमसाठी 1,60,680 रुपये असून 22 कॅरेट सोन्याचा दर 1,47,290 रुपये आहे. यापूर्वीच्या दिवशी नवी दिल्लीतील सराफा बाजारात सोन्याच्या दरात सुमारे 2,000 रुपयांची म्हणजे जवळपास 1.21 टक्क्यांची घट झाली होती आणि दर 1,65,200 रुपये प्रति 10 ग्रॅमपर्यंत खाली आला होता. तज्ज्ञांच्या मते, आंतरराष्ट्रीय आर्थिक परिस्थितीतील बदल, मजबूत होत असलेला डॉलर आणि जागतिक धोरणांबाबतची अनिश्चितता यामुळे सोन्याच्या किमतींवर दबाव निर्माण झाला आहे.
सोन्याबरोबरच चांदीच्या दरातही लक्षणीय घट पाहायला मिळत आहे. 14 मार्चच्या सकाळी चांदीची किंमत प्रति किलो 2,79,800 रुपयांपर्यंत खाली आली आहे. याच्या आदल्या दिवशी नवी दिल्लीतील सराफा बाजारात चांदीचा दर तब्बल 11,000 रुपयांनी म्हणजे जवळपास 3.97 टक्क्यांनी कमी होऊन 2,65,500 रुपये प्रति किलो झाला होता. आंतरराष्ट्रीय बाजारात चांदीचा स्पॉट दर सध्या अंदाजे 83.14 डॉलर प्रति औंस इतका आहे.
दरम्यान, जागतिक परिस्थितीचा या किमतींवर मोठा परिणाम होत असल्याचे तज्ज्ञांचे मत आहे. (cheaper) पश्चिम आशिया परिसरात वाढत असलेल्या संघर्षामुळे कच्च्या तेलाच्या किमती झपाट्याने वाढत आहेत. त्यामुळे जागतिक महागाई वाढण्याची शक्यता व्यक्त केली जात आहे. या परिस्थितीत जगभरातील केंद्रीय बँकांना कडक आर्थिक धोरण दीर्घकाळ कायम ठेवावे लागू शकते. आंतरराष्ट्रीय बाजारात स्पॉट गोल्डचा दर सध्या सुमारे 5,088 डॉलर प्रति औंस आहे.विशेष म्हणजे, चालू वर्षाच्या जानेवारी महिन्यात चांदीच्या किमतींनी 4 लाख रुपये प्रति किलो हा ऐतिहासिक टप्पा ओलांडला होता. मात्र सध्या बाजारातील बदलत्या घडामोडींमुळे त्यात मोठी घसरण झाल्याचे दिसून येत आहे.
हेही वाचा :
इराण–अमेरिका युद्धाचा फटका सामान्य जनतेला, हजारो कामगारांची नोकरी जाणार? गॅस टंचाईमुळे उद्योग संकटात
सावधान! LPG गॅस कनेक्शनच्या नावाखाली मोठा फ्रॉड, चार दिवसात सायबर भामट्यांचा नागरिकांना लाखोंचा गंडा
सिलेंडरनंतर आता बाटलीबंद पाणीही मिळणं होणार मुश्किल; भारतासमोर नवं संकट?