अहिल्यानगरच्या संगमनेरमध्ये ६ वीतील मुलीवर अज्ञात नराधमाने ॲसिड हल्ला केला. या भ्याड कृत्याविरोधात वडगावपान ग्रामस्थांनी रास्ता रोको केला असून पीडित मुलीवर लोणी येथे उपचार सुरू आहेत.
अहिल्यानगर जिल्ह्यातील संगमनेर तालुक्यात माणुसकीला काळिमा फासणारी एक अत्यंत संतापजनक घटना समोर आली आहे. वडगावपान परिसरात इयत्ता सहावीत शिकणाऱ्या एका अल्पवयीन शाळकरी मुलीवर अज्ञात नराधमाने भररस्त्यात ॲसिड फेकून हल्ला केला. या अमानवी कृत्यामुळे संपूर्ण जिल्ह्यात संतापाची लाट उसळली आहे. (schoolgirl) या घटनेच्या निषेधार्थ आज वडगावपान ग्रामस्थांनी कडकडीत बंदची हाक दिली आहे. तसेच मुख्य चौफुलीवर रास्ता रोको आंदोलन केले.
मिळालेल्या माहितीनुसार, पीडित मुलगी वडगावपान येथील शाळेत शिक्षण घेत आहे. तिचे घर शाळेपासून साधारण ४ ते ५ किलोमीटर अंतरावर एका वस्तीवर आहे. नेहमीप्रमाणे शाळा सुटल्यानंतर ती आपल्या सायकलवरून घराकडे निघाली. (schoolgirl) यानंतर मुख्य रस्त्यापासून वस्तीकडे जाणाऱ्या अरुंद आणि काहीशा निर्जन रस्त्यावर एक अज्ञात दुचाकीस्वार तिच्याजवळ आला. त्याने पत्ता विचारण्याच्या बहाण्याने मुलीला थांबवले. ती काही सांगण्याच्या आतच त्या माथेफिरूने तिच्या चेहऱ्यावर ॲसिड फेकले. यानंतर मग वेगाने दुचाकीवरून पोबारा केला.
चेहऱ्यावर ॲसिड पडताच मुलगी वेदनेने विव्हळू लागली. तिच्या आरडाओरड्यामुळे परिसरातील शेतात काम करणाऱ्या नागरिकांनी तातडीने घटनास्थळी धाव घेतली. (schoolgirl) यानंतर तिला गंभीर जखमी अवस्थेत तातडीने लोणी येथील प्रवरा ग्रामीण रुग्णालयात दाखल करण्यात आले. रुग्णालय प्रशासनाने दिलेल्या माहितीनुसार, ॲसिडमुळे मुलीच्या चेहऱ्याचा उजवा भाग सुमारे ७ ते १० टक्के भाजला आहे. तज्ज्ञ डॉक्टरांच्या देखरेखीखाली तिच्यावर उपचार सुरू सध्या तिची प्रकृती स्थिर आहे. आज तिच्यावर प्लास्टिक सर्जरी केली जाणार असल्याचे बोललं जात आहे.
पीडित मुलीची परिस्थिती अत्यंत हलाखीची आहे. वडिलांचे निधन झाल्यामुळे ही मुलगी आपल्या आई आणि भावासोबत मामा व आजी-आजोबांकडे राहत होती. तिची आई मजुरी करून कुटुंबाचा उदरनिर्वाह आणि मुलांचे शिक्षण पूर्ण करत आहे. आमची कोणाशीही दुश्मनी नसताना माझ्या निष्पाप मुलीचे आयुष्य उद्ध्वस्त करण्याचा प्रयत्न का झाला?” असा टाहो मुलीच्या आईने फोडला. याप्रकरणी मुलीच्या आईने आणि मामाने आरोपीला फाशीची शिक्षा द्यावी, अशी मागणी केली आहे.
या घटनेचे गांभीर्य लक्षात घेऊन विधान परिषदेच्या उपसभापती नीलम गोऱ्हे यांनी अहिल्यानगरचे पोलीस अधीक्षक सोमनाथ घार्गे यांच्याशी चर्चा केली. अशा घटना रोखण्यासाठी केवळ शाळांच्या बाहेरच नव्हे, तर ग्रामीण भागातील अंतर्गत रस्त्यांवरही दामिनी पथकाची गस्त वाढवणे गरजेचे आहे. तसेच ॲसिड विक्री संदर्भात अधिक कडक कायद्याची आवश्यकता आहे, असे नीलम गोऱ्हे यांनी स्पष्ट केले.
दरम्यान याप्रकरणी संगमनेर पोलिसांनी अज्ञात आरोपीविरुद्ध गुन्हा दाखल केला आहे. सध्या विविध पथके तपासासाठी रवाना केली आहेत. परिसरातील सीसीटीव्ही फुटेज आणि संशयित हालचालींच्या आधारे आरोपीचा शोध घेतला जात आहे. दरम्यान, आज झालेल्या रास्ता रोको आंदोलनामुळे वाहतुकीचा मोठा खोळंबा झाला होता. मात्र आरोपीला तात्काळ अटक करण्याचे आश्वासन मिळाल्यानंतर आंदोलन मागे घेण्यात आले.
हेही वाचा :
खुशखबर! WhatsAppचं भन्नाट फीचर, App डाउनलोड न करता आता करा थेट चॅट
विराटचं मिशन नंबर 1, किंग कोहली 19 व्या हंगामासाठी सज्ज, मोठा विक्रम निशाण्यावर
एकनाथ शिंदेंनंतर आता शिवसेनेचा हा बडा नेता दिल्ली दौऱ्यावर, राजकीय वर्तुळात चर्चेला उधाण