गेल्या तीन महिन्यांपासून प्रेक्षक ज्या चित्रपटाची आतुरतेने वाट पाहत होते, तो (audiences) अखेर प्रदर्शित झाला आहे. धुरंधर : द रिव्हेंज या चित्रपटाने रिलीज होताच सर्वत्र प्रचंड चर्चा रंगवली आहे. दिग्दर्शक आदित्य धर यांनी साकारलेला हा चित्रपट ‘धुरंधर’च्या पहिल्या भागानंतर अधिक मोठ्या प्रमाणात प्रेक्षकांसमोर आला आहे. डिसेंबर 2025 मध्ये पहिला भाग प्रदर्शित झाल्यानंतर दुसऱ्या भागाबद्दल प्रचंड उत्सुकता निर्माण झाली होती आणि आता त्या अपेक्षांवर हा चित्रपट पूर्णपणे उतरल्याचं पाहायला मिळत आहे.
या भागाची कथा अधिक खोल आणि गुंतागुंतीची (audiences) आहे. रणवीर सिंह याने साकारलेला हमजा अली मजारी आणि जसकीरत सिंह रंगी यांचा दुहेरी प्रवास प्रेक्षकांना खिळवून ठेवतो. जसकीरतचा भूतकाळ, त्याची खरी ओळख आणि हमजा बनण्यामागची कहाणी उलगडत जाताना कथानक अनेक धक्कादायक वळणं घेतं. त्याच्या आयुष्यातील प्रशिक्षण, कुटुंबाशी संबंधित घटना आणि ‘उरी’शी असलेला संभाव्य संबंध यामुळे चित्रपट अधिकच रोचक बनतो.
चित्रपटातील ॲक्शन आणि थरार हा त्याचा सर्वात मोठा प्लस पॉइंट ठरतो. कराचीतील ल्यारीपासून ते गुप्तहेरांच्या जगापर्यंतचा प्रवास अत्यंत प्रभावीपणे मांडण्यात आला आहे. हमजाचा धूर्तपणा, त्याच्या चाली आणि विश्वासघात यामुळे प्रत्येक सीनमध्ये ताण जाणवतो. जवळपास चार तासांचा कालावधी असूनही चित्रपट कुठेही कंटाळवाणा वाटत नाही.
दिग्दर्शनाच्या बाबतीत (audiences) आदित्य धर यांनी पुन्हा एकदा आपली छाप सोडली आहे. प्रत्येक फ्रेममध्ये बारकाईने काम केल्याचं जाणवतं. ॲक्शन सीक्वेन्सची कोरिओग्राफी, दृश्यांची मांडणी आणि कथानकाची पकड यामुळे हा चित्रपट एक दमदार सिनेमॅटिक अनुभव देतो.
चित्रपटातील हिंसा आणि ॲक्शनचा स्तर यावेळी आणखी उंचावलेला दिसतो. काही दृश्ये इतकी तीव्र आहेत की प्रेक्षकांच्या अंगावर काटा येतो. त्यासोबतच संगीताचाही उत्तम वापर करण्यात आला असून काही गाणी विशेष लक्ष वेधून घेतात.
अभिनयाच्या बाबतीत रणवीर सिंह याने त्याच्या कारकिर्दीतील सर्वोत्तम (audiences) परफॉर्मन्स दिल्याचं म्हटलं जात आहे. अर्जुन रामपाल याचा धोकादायक लूक आणि अभिनय प्रभावी ठरतो, तर आर. माधवन नेही आपल्या भूमिकेत जीव ओतला आहे. या सगळ्या कलाकारांमध्ये सारा अर्जुन हिने विशेष छाप सोडली आहे. शिवाय ‘बडे साहब’चा सरप्राइज हा चित्रपटातील सर्वात मोठा आकर्षण ठरतो.एकूणच, ‘धुरंधर : द रिव्हेंज’ हा केवळ ॲक्शन चित्रपट नसून एक जबरदस्त अनुभव देणारा सिनेमॅटिक प्रवास आहे, जो प्रेक्षकांच्या लक्षात दीर्घकाळ राहील.
हेही वाचा :
रोहित शर्मा किंवा एमएस धोनी नाही तर हा आहे आयपीएलचा बेस्ट कर्णधार, आकडेवारी वाचा
मोठी बातमी! अली लारीजानी यांच्या हत्येनंतर रशियाचा संयम सुटला, पुतीन संतापले, अमेरिका-इस्रायलवर…
संपत्ती दिली नाही तरी चालेल, पण प्रत्येक आई वडिलांनी आपल्या मुलांना या दोन गोष्टी द्याव्याच