मध्य पूर्वेत सुरू असलेल्या इराण–इस्रायल संघर्ष मुळे जागतिक ऊर्जा (ongoing conflict) बाजारात मोठी अस्थिरता निर्माण झाली आहे. या पार्श्वभूमीवर भारतात गॅस आणि इंधन पुरवठ्याबाबत विविध चर्चा रंगू लागल्या होत्या. विशेषतः घरगुती LPG सिलिंडरचे वजन 14.2 किलोवरून 10 किलो करण्याची शक्यता वर्तवली जात होती. मात्र, केंद्र सरकारने या सर्व चर्चांना स्पष्ट शब्दांत फेटाळून लावले आहे.
पेट्रोलियम मंत्रालयाच्या (ongoing conflict) अधिकाऱ्यांनी दिलेल्या माहितीनुसार, घरगुती LPG सिलिंडरच्या वजनात कोणताही बदल करण्याचा सरकारचा सध्या कोणताही विचार नाही. 14.2 किलोचाच सिलिंडर पुढेही कायम राहणार असल्याचे त्यांनी स्पष्ट केले. नागरिकांनी सोशल मीडियावर फिरणाऱ्या अफवांवर विश्वास ठेवू नये, असेही आवाहन करण्यात आले आहे.दरम्यान, काही भागात इंधन टंचाईच्या बातम्याही समोर येत होत्या. विशेषतः गुजरातमध्ये पेट्रोल पंपांवर इंधन संपल्याच्या चर्चांनी नागरिकांमध्ये चिंता वाढवली होती. परंतु, सरकारने या बातम्यांनाही नाकारत देशातील सर्व पेट्रोल पंप सुरळीत सुरू असल्याचे सांगितले आहे. कुठेही इंधनाची कमतरता नसल्याचे अधिकृतपणे स्पष्ट करण्यात आले आहे.
या संपूर्ण परिस्थितीवर बोलताना पंतप्रधान नरेंद्र मोदी यांनी संसदेत (ongoing conflict) महत्त्वपूर्ण माहिती दिली. त्यांनी सांगितले की, भारताच्या ऊर्जा गरजांपैकी मोठा हिस्सा होर्मुज सामुद्रधुनी मार्गे पूर्ण केला जातो. सध्याच्या संघर्षामुळे या मार्गावर वाहतूक काही प्रमाणात आव्हानात्मक झाली असली तरी देशातील पुरवठा सुरळीत ठेवण्यासाठी सरकार सातत्याने प्रयत्न करत आहेभारत सध्या आपल्या LPG गरजेपैकी सुमारे 60 टक्के आयात करतो. त्यामुळे जागतिक परिस्थितीचा परिणाम होण्याची शक्यता असली तरी सरकारने घरगुती वापराला प्राधान्य देण्याचा निर्णय घेतला आहे. याचबरोबर देशांतर्गत उत्पादन वाढवण्यावरही भर दिला जात आहे, जेणेकरून भविष्यातील संकटांचा प्रभाव कमी करता येईल.
ऊर्जा सुरक्षेबाबत सरकारने (ongoing conflict) आणखी एक महत्त्वाचा मुद्दा मांडला आहे. भारताने कच्च्या तेलाच्या आयातीसाठी विविध देशांशी संबंध वाढवले आहेत. पूर्वी 27 देशांवर अवलंबून असलेली आयात आता 41 देशांपर्यंत पोहोचली आहे. यामुळे एकाच प्रदेशावर अवलंबून राहण्याचा धोका कमी झाला आहे.सध्या भारताकडे सुमारे 53 लाख मेट्रिक टन इतका तेलसाठा उपलब्ध असून, तो 65 लाख मेट्रिक टनांपर्यंत वाढवण्याचे उद्दिष्ट ठेवण्यात आले आहे. याशिवाय तेल कंपन्यांकडेही स्वतंत्र साठे उपलब्ध आहेत. एकूणच, सध्याच्या तणावपूर्ण परिस्थितीतही देशातील इंधन आणि गॅस पुरवठा सुरळीत ठेवण्यासाठी सरकार सर्वतोपरी उपाययोजना करत असल्याचे स्पष्ट झाले आहे.
हेही वाचा :
राज्य सरकारचा शेतकऱ्यांसाठी मोठा निर्णय! गव्हावरील किमान आधारभूत किंमत वाढवली
मोठं संकट ओढावणार ! पेट्रोल-डिझेलचे दर ५० ते ६० रूपयांनी महागणार ?
हार्दिक कॅप्टन्सी सोडणार अन् सूर्याकडे MI ची धुरा ?