राज्यात हवामानाचा अनिश्चित (heat)खेळ कायम असून, नागरिकांना उन्हाळा आणि पावसाचा एकाच वेळी अनुभव येत आहे. काही भागात कडक उन्हामुळे तापमान झपाट्याने वाढताना दिसत असताना, दुसरीकडे ढगाळ वातावरण आणि अधूनमधून होणाऱ्या पावसाच्या सरींमुळे वातावरणात गारवा निर्माण होत आहे.आजच्या हवामान अंदाजानुसार विदर्भ आणि मराठवाड्यातील काही जिल्ह्यांमध्ये जोरदार पावसाची शक्यता वर्तवण्यात आली आहे.
विशेषतः नागपूर, अमरावती, (heat)अकोला, बुलढाणा, जालना आणि परभणी या भागांत वीजांच्या कडकडाटासह मुसळधार पाऊस कोसळू शकतो. त्यामुळे या भागांतील नागरिकांनी सतर्क राहण्याचे आवाहन हवामान विभागाने केले आहे.पश्चिम महाराष्ट्र आणि कोकणातही हवामान ढगाळ राहण्याची शक्यता असून, काही ठिकाणी हलक्या ते मध्यम स्वरूपाच्या सरी पडू शकतात. मुंबईसह ठाणे, रायगड आणि रत्नागिरी जिल्ह्यांत दुपारनंतर पावसाचा अंदाज व्यक्त करण्यात आला आहे.
दरम्यान, उर्वरित भागात (heat)तापमान ३८ ते ४० अंशांच्या दरम्यान राहण्याची शक्यता आहे. उष्णतेची तीव्रता लक्षात घेता नागरिकांनी दुपारच्या वेळेत बाहेर पडणे टाळावे, तसेच पुरेसे पाणी पिण्याचा सल्ला देण्यात आला आहे.एकूणच, राज्यात पुढील काही दिवस हवामान अस्थिर राहणार असून, काही ठिकाणी पावसाचा जोर वाढण्याची शक्यता आहे. त्यामुळे शेतकरी आणि नागरिकांनी हवामानाच्या अद्ययावत माहितीकडे लक्ष ठेवणे आवश्यक आहे.