Realme ने अलीकडेच त्यांचा बजेट स्मार्टफोन(smartphone ) C73 5G लाँच केला होता, ज्याची किंमत 10 हजार रुपयांपेक्षा कमी आहे. या स्मार्टफोनच्या सक्सेसरनंतर आता कंपनीने पुन्हा एकदा नवीन स्मार्टफोन लाँच केला आहे. हा बजेट स्मार्टफोन कंपनीने 8 हजार रुपयांपेक्षा कमी किंमतीत लाँच केला आहे. कंपनीने लाँच केलेल्या या नवीन स्मार्टफोनचं नाव Realme C71 आहे. स्मार्टफोनची किंमत कमी असली तरी देखील त्यामध्ये अनेक दमदार फीचर्स देण्यात आले आहेत.
Realme ने लाँच केलेल्या या नव्या स्मार्टफोनचे(smartphone )स्पेसिफिकेशन्स आणि फीचर्स अतिशय कमाल आहेत. या स्मार्टफोनमध्ये 6.67-इंचाचा HD+ 120Hz LCD डिस्प्ले देण्यात आला आहे. या डिव्हाईसमध्ये Unisoc T7250 ऑक्टा-कोर प्रोसेसर आणि 6GB पर्यंत रॅम देण्यात आला आहे. याशिवाय जबरदस्त ड्यूल कॅमेरा सेटअपसह या स्मार्टफोनमध्ये अनेक अनोख्या फीचर्सचा समावेश आहे. Realme ने लाँच केलेल्या या नव्या स्मार्टफोनचे स्पेसिफिकेशन्स आणि फीचर्स जाणून घेऊया.
फोटोग्राफीसाठी जबरदस्त कॅमेरा
कॅमेऱ्याबद्दल बोलायचं झालं तर या स्मार्टफोनमध्ये(smartphone ) 13MP चा रियर कॅमेरा आणि 5MP चा फ्रंट कॅमेरा देण्यात आला आहे. धूळ आणि स्प्लॅशपासून संरक्षण करण्यासाठी डिव्हाईसमध्ये IP54 रेटिंग देण्यात आली आहे. फोनमध्ये खास पल्स लाइट देखील देण्यात आलं आहे. जो 9 कलर आणि 5 ग्लोइंग मोड्सना सपोर्ट करतो. हे लाइट्स कॉल, मॅसेज आणि चार्जिंग स्टेटसच्या वेळी खास ईफेक्ट देतो.
6300mAh ची मोठी बॅटरी
एवढंच नाही तर कंपनीने सांगितलं आहे की, डिव्हाईसमध्ये आर्मरशेल प्रोटेक्शन देखील देण्यात आले आहे आणि हे मिलिट्री-ग्रेड ड्रॉप आणि कम्प्रेशन टेस्टसह येते, ज्यामध्ये 1.8-मीटर ड्रॉप आणि 33 किलोग्रामचा प्रेशर टेस्ट देण्यात आला आहे. याशिवाय या डिव्हाईसमध्ये 6300mAh ची मोठी बॅटरी देण्यात आली आहे. यामध्ये 15W फास्ट चार्जिंग सपोर्ट देखील देण्यात आला आहे. हे डिव्हाईस 6W रिवर्स वायर्ड चार्जिंगला देखील सपोर्ट करते.
Realme C71 ची किंमत आणि उपलब्धता
किंमतीबद्दल बोलायचे झाले तर, realme C71 च्या 4 GB रॅम आणि 64 GB स्टोरेज व्हेरिअंटची किंमत फक्त 7,699 रुपये आहे. तर 6 GB रॅम आणि 128 GB स्टोरेज व्हेरिअंटची किंमत 8,699 रुपये आहे, जी तुम्ही 700 रुपयांच्या बँक डिस्काउंट ऑफरनंतर फक्त 7,999 रुपयांना खरेदी करू शकता. तुम्ही हा फोन Flipkart, realme.com आणि सर्व प्रमुख स्टोअर्सवरून खरेदी करू शकता.
हेही वाचा :
- जय महाराष्ट्र! टेस्लाचा पहिला मान मराठीला, BKC मधील शोरूमची पाटी मराठीत
- Kolhapuar Crime : घराचा दरवाजा तोडून जबरी लूट; १० तोळे दागिन्यांसह रोख रक्कमेवर डल्ला
- धक्कादायक! बटाटावडा विक्रेत्यांकडून…; पर्यटकांच्या जीवाशी खेळ
