केंद्र सरकारच्या (Government)लाखो कर्मचाऱ्यां-निवृत्तीधारकांच्या पगारवाढीची वाट पाहत असताना आठव्या वेतन आयोगाबाबत नव्या अहवालातून सावध संकेत समोर आले आहेत. यानुसार बेसिक सॅलरी 51,000 रुपये होईल ही चर्चा अतिरंजित ठरू शकते आणि किमान वेतन 18,000 वरून सुमारे 30,000 रुपयांपर्यंतच जाण्याची शक्यता व्यक्त करण्यात आली आहे. त्यामुळे वेतनवाढीची वास्तविक आकडेवारी पूर्वी गृहित धरलेल्या अंदाजापेक्षा कमी राहू शकते, अशी शक्यता वर्तवली जात आहे.
या पार्श्वभूमीवर 8th Pay Commission कधी लागू होणार याबाबतची उत्सुकता शिगेला पोहोचली आहे. केंद्रातील सुमारे 50 लाख कर्मचारी आणि 65 लाख पेन्शनधारकांसाठी हा आयोग निर्णायक ठरणार असला, तरी नव्या सूचनांनुसार अंमलबजावणीत विलंब होऊ शकतो. त्यामुळे प्रत्यक्ष लाभ मिळेपर्यंत कर्मचाऱ्यांना आणखी प्रतीक्षा करावी लागू शकते.
आठवा वेतन आयोग जानेवारी 2026 पासून लागू होईल, अशी पूर्वअट अनेक ठिकाणी व्यक्त करण्यात आली होती. मात्र ताज्या आकलनानुसार तो 2026 च्या अखेरीस किंवा 2027 च्या सुरुवातीस लागू होऊ शकतो. यामुळे लाभ वितरणाचे टप्पे आणि महत्त्वाच्या भत्त्यांची पुनर्गणना यावरही कालमर्यादेचा परिणाम दिसू शकतो.
दरम्यान, सरकारकडून (Government)अधिकृत अधिसूचना येईपर्यंत अंतिम दिनांक निश्चित मानता येणार नाही. म्हणूनच वेतनवाढ, एरिअर्स आणि पेन्शन सुधारणा यांसंदर्भातील गणिते सध्या ‘संकेत’ म्हणूनच पाहण्याचा सल्ला तज्ज्ञ देत आहेत.वेतननिर्धारण प्रक्रियेत फिटमेंट फॅक्टर महत्त्वाचा असतो. सातव्या वेतन आयोगात तो 2.57 ठेवला गेला होता. नव्या अहवालानुसार, आठव्या आयोगात फिटमेंट फॅक्टर 1.8 ठेवण्याची शक्यता मांडली आहे. असे झाल्यास 18,000 रुपयांचे किमान मूळ वेतन सुमारे 30,000 रुपये होईल. यापूर्वी चर्चेत आलेल्या 2.86 फिटमेंट फॅक्टरनुसार बेसिक 51,480 रुपये आणि पेन्शन 25,740 रुपये होण्याच्या शक्यता व्यक्त झाल्या होत्या; मात्र सध्याचे अंदाज त्या तुलनेत मित आहेत.
याचा अर्थ, कर्मचाऱ्यांना पगारवाढ मिळणार असली तरी ती अपेक्षेपेक्षा मर्यादित असू शकते. डीए, एचआरए आणि इतर भत्त्यांची गणना बेसिकवरच आधारलेली असल्याने अंतिम फिटमेंट फॅक्टर ठरल्यावर एकूण ‘इन-हॅण्ड’वर परिणाम स्पष्ट होईल. तोपर्यंत कर्मचाऱ्यांनी अधिकृत घोषणेची वाट पाहणे आवश्यक आहे.
हेही वाचा :
शनिवारवाडा ते स्वारगेट भूमिगत रस्त्याला ‘ब्रेक’
राऊतांचा आरोप: “चीनविरोधात बोलण्यास मोदी घाबरतात”
काळं मांजर आडवं जाणं शुभ की अशुभ? जाणून घ्या कोणत्या गोष्टीचे संकेत मानले जातात