गेल्या काही दिवसांतील घसरणीनंतर ग्राहकांना पुन्हा एकदा महागाईचा झटका बसला असून, मौल्यवान धातूंच्या किमतीत मोठी वाढ नोंदवली गेली आहे. सोमवार, २५ मे रोजी सराफा बाजारात सोने आणि चांदी दोन्हीचे दर लक्षणीयरीत्या वधारले आहेत. (Gold and silver) जागतिक बाजारातील काही महत्त्वाच्या बदलांमुळे देशांतर्गत पातळीवरही या दोन्ही धातूंचे भाव कडाडले आहेत.
जागतिक घडामोडी आणि डॉलरच्या मूल्यातील घसरणीचा परिणाम आंतरराष्ट्रीय बाजारात अमेरिकन डॉलरच्या मूल्यात घसरण झाल्यामुळे (Gold and silver) सोन्या-चांदीच्या किमती वाढल्याचे तज्ज्ञांचे म्हणणे आहे. डॉलर निर्देशांक सुमारे ०.३० टक्क्यांनी घसरल्यामुळे आंतरराष्ट्रीय स्तरावर डॉलरमध्ये व्यवहार होणारे सोने-चांदी भारतीय बाजारासाठी महाग झाले आहे. दुसरीकडे, कच्चे तेल खरेदी करणाऱ्यांसाठी एक चांगली बातमी समोर आली आहे. अमेरिका आणि इराण यांच्यात सुरू असलेल्या वाटाघाटी यशस्वी होऊन लवकरच शांतता करार होण्याची आशा निर्माण झाली आहे. या सकारात्मक वातावरणाचा थेट परिणाम म्हणून कच्च्या तेलाच्या किमतीत तब्बल ५ टक्क्यांहून अधिक मोठी घसरण पाहायला मिळाली. परिणामी, जागतिक बाजारात ब्रेंट क्रूड तेलाचा दर प्रति बॅरल ९८ डॉलरच्या खाली घसरला आहे.
एमसीएक्सवरील तेजी आणि विविध कॅरेटनुसार सोन्याचे दर मल्टी कमोडिटी एक्सचेंजवर आज सोन्याच्या दरात ०.४० टक्क्यांची म्हणजेच ७२७ रुपयांची वाढ होऊन तो प्रति १० ग्रॅम १५,९,३१५ रुपयांवर पोहोचला आहे. चांदीच्या दरातही १.६० टक्क्यांची किंवा ४,५९२ रुपयांची प्रचंड वाढ नोंदवली गेली असून, चांदी आता २,७६,१९२ रुपये प्रति किलोग्रॅम या पातळीवर व्यापार करत आहे.गुडरिटर्न्स या संकेतस्थळाने प्रसिद्ध केलेल्या ताज्या आकडेवारीनुसार, ग्राहकांना आता १० ग्रॅम २२ कॅरेट सोने खरेदी करण्यासाठी ३०० रुपयांच्या वाढीनंतर १४,६,१०० रुपये मोजावे लागत आहेत. (Gold and silver) तसेच, २४ कॅरेट सोन्याच्या किमतीत ३२० रुपयांची भर पडल्याने ते १५,९,३८० रुपये प्रति १० ग्रॅम झाले आहे. लहान दागिने तयार करण्यासाठी वापरल्या जाणाऱ्या १८ कॅरेट सोन्याचे दरही २५० रुपयांनी वधारले असून, आजचा भाव १,१९,५४० रुपये प्रति १० ग्रॅम इतका निश्चित करण्यात आला आहे.
देशातील प्रमुख शहरांमधील सोन्याचे चालू भाव
दिल्ली देशाची राजधानी असलेल्या दिल्लीत आज प्रति १० ग्रॅम २२ कॅरेट सोन्याचा दर १४,६२५ रुपये आणि २४ कॅरेट सोन्याचा दर १५,९५३ रुपये इतका आहे.
मुंबई आर्थिक राजधानी मुंबईत ग्राहकांना १० ग्रॅम २२ कॅरेट सोन्यासाठी १४,६१० रुपये, तर २४ कॅरेट सोन्यासाठी १५,९३८ रुपये मोजावे लागत आहेत.
कोलकाता कोलकाता शहरात आज २२ कॅरेट सोन्याचा भाव १४,६१० रुपये आणि २४ कॅरेट सोन्याचा भाव १५,९३८ रुपये प्रति १० ग्रॅम नोंदवला गेला आहे.
चेन्नई दक्षिण भारतातील चेन्नई या महानगरात सोन्याचे दर इतर शहरांच्या तुलनेत अधिक असून, तिथे २२ कॅरेटचा भाव १४,७८० रुपये आणि २४ कॅरेटचा भाव १६,१२४ रुपये प्रति १० ग्रॅमवर पोहोचला आहे.
हेही वाचा
डोनाल्ड ट्रम्पच्या मुलीवर प्राणघातक हल्ल्याचा प्रयत्न