बिहारमधील बक्सरमध्ये झालेल्या लग्न समारंभात एक धक्कादायक घटना घडली आहे.(ceremony) या घटनेने संपूर्ण परिसर हादरला आहे. वरमाळा घातल्यानंतर एकतर्फी प्रेम करणाऱ्या तरुणाने वधूवर गोळी झाडल्याची घटना समोर आलीये. गोळी पोटात लागल्याने वधू गंभीर जखमी होऊन मंचावरच कोसळली. यावेळी तिला तत्काळ रुग्णालयात दाखल करण्यात आलं. मात्र उपचारादरम्यान तिचा मृत्यू झाल्याचं समोर आलंय.
ही घटना मुफस्सिल पोलीस ठाण्याच्या हद्दीतील नगर चौसा पंचायतच्या (ceremony) मल्लाह टोला भागात घडलीये. पोलिसांनी दिलेल्या माहितीनुसार, उत्तर प्रदेशातील बलियामधून मंगळवारी रात्री बारात आली होती आणि लग्नाचे सर्व कार्यक्रम ठरवलेल्या पद्धतीने सुरू होते. वधू नातेवाईकांसह आणि मैत्रिणींसोबत स्टेजवर आली. वधू आणि वराला एक महिला ओवाळत असताना महिलांच्या गर्दीतून आरोपी अचानक पुढे आला आणि तिच्यावर गोळीबार केला. गोळीचा आवाज होताच लग्नस्थळी एकच गोंधळ उडाला.
दरम्यान या घटनेचा व्हिडीओ सोशल मीडियावर व्हायरल झाला आहे. जखमी अवस्थेत वधूला प्रथम रुग्णालयात नेण्यात आलं. त्यानंतर अधिक उपचारासाठी वाराणसीमध्ये पाठवण्यात आलं. पोलिसांच्या म्हणण्यानुसार, उपचारादरम्यान तिचा मृत्यू झाला. जखमी असताना वधूने आरोपीचं नाव घेत, दीनबंधूने मला गोळी मारली, असं सांगितल्याची माहिती अधिकाऱ्यांनी दिलीये.
शादी के दौरान बॉयफ्रेंड दीनबंधु ने दुल्हन आरती को गोली मार दी, हालत गंभीर है !!
— कलम की चोट (@kalamkeechot) February 25, 2026
बिहार के बक्सर का मामला। pic.twitter.com/3eC3OYnK5H
आरोपी दीनबंधू हा वधूचा शेजारी असून प्रकरण एकतर्फी प्रेमाशी संबंधित आहे.(ceremony)पीडितेच्या कुटुंबीयांनी सांगितलं की, आरोपी मुलीवर एकतर्फी प्रेम करत होता. मुलीकडून त्याच्याबद्दल काहीही नव्हतं. दरम्यान आरोपीच्या वडिलांनी या संबंधाबद्दल माहिती नसल्याचं सांगितलं. माहिती असती तर दोघांचं लग्न लावून दिलं असतं, असंही ते म्हणालेत.घटनेनंतर पोलिसांनी आरोपीच्या घराला कुलूप लावलं असून फरार आरोपीच्या शोधासाठी छापेमारी सुरू केलीये.
हेही वाचा :
सचिवांच्या आदेशानंतरही बहुजन कल्याण विभागाचा ‘अजब’ कारभार; रद्द शाळांच्या पुनर्मूल्यांकनाचे आदेश
पहिलं Long Distance Relationship आता Silent Love! काय आहे हा नवा ट्रेंड ?
‘धुरंधर 2’मध्ये ‘बडे साहब’ कोण? अखेर पडदा उघडला; या अभिनेत्याचे नाव समोर येताच…