चहा हा आपल्या दैनंदिन आयुष्याचा अविभाज्य भाग बनला आहे. सकाळची सुरुवात असो, ऑफिसमधील ब्रेक असो किंवा संध्याकाळचा निवांत क्षण असो, चहाशिवाय अनेकांची दिनचर्या पूर्णच होत नाही. ताजेतवाने वाटण्यासाठी आणि थकवा दूर करण्यासाठी अनेकजण दिवसातून दोन ते तीन वेळा चहा घेतात. (cups of tea) मर्यादित प्रमाणात घेतलेला चहा शरीरासाठी काही प्रमाणात फायदेशीरही ठरू शकतो, कारण त्यामध्ये अँटीऑक्सिडंट्स असतात जे शरीराला ऊर्जा देण्यास मदत करतात.
मात्र चहाचे अति सेवन आरोग्यासाठी घातक ठरू शकते. चहामध्ये असलेले कॅफीन शरीरात जास्त प्रमाणात गेल्यास त्याचे दुष्परिणाम जाणवू लागतात. तज्ज्ञांच्या मते, दिवसभरात २०० ते ३०० मिलिग्रॅमपेक्षा जास्त कॅफीन शरीरात जाऊ नये. पाच ते सहा कपांपेक्षा जास्त चहा घेतल्यास कॅफीनचे प्रमाण वाढून हृदयाची धडधड वाढणे, अस्वस्थता जाणवणे आणि झोप न लागणे यांसारख्या समस्या उद्भवू शकतात.
याशिवाय जास्त चहा पिण्यामुळे अॅसिडिटी, पोटात जळजळ, अपचन यांसारखे त्रासही वाढू शकतात. (cups of tea) काही संशोधनानुसार अतिप्रमाणात चहा घेतल्यास शरीरातील लोहाचे शोषण कमी होऊ शकते, ज्यामुळे अॅनिमियाचा धोका वाढू शकतो. त्यामुळे चहा पिताना त्याचे प्रमाण लक्षात घेणे आवश्यक आहे.
आरोग्यदायी जीवनशैलीसाठी कोणतीही गोष्ट मर्यादेत ठेवणे महत्त्वाचे असते. (cups of tea) चहा आवडत असला तरी त्याचे प्रमाण नियंत्रित ठेवणे गरजेचे आहे. योग्य प्रमाणात घेतल्यास चहा आनंद देतो, पण अतिरेक केल्यास तोच चहा आरोग्यासाठी त्रासदायक ठरू शकतो.
हेही वाचा :
शाहिद कपूरच्या करियरमधील असा चित्रपट, जिथे हिरॉईनपेक्षाही मिळाले होते कमी पैसे!