स्पर्धेतील पहिला उपांत्य सामना रंगतदार होण्याची चिन्हं स्पष्ट दिसत आहेत. 4 मार्च रोजी हे दोन बलाढ्य संघ आमनेसामने येणार असून, हा सामना क्रिकेटप्रेमींसाठी रोमांचक ठरणार आहे. भारत-पाकिस्तान सामन्याइतकाच ताण, अपेक्षा आणि ऐतिहासिक पार्श्वभूमी या लढतीला लाभली आहे.
टी20 वर्ल्डकपच्या इतिहासाकडे पाहिल्यास दक्षिण आफ्रिकेने न्यूझीलंडविरुद्ध नेहमीच वर्चस्व राखलं आहे.(semi-final) या स्पर्धेत आतापर्यंत दोन्ही संघ पाच वेळा भिडले असून प्रत्येक वेळी दक्षिण आफ्रिकेने बाजी मारली आहे. 2007 मधील पहिल्या भेटीत सहा विकेट्स राखून विजय मिळवणाऱ्या दक्षिण आफ्रिकेने 2009 मध्ये एका धावेने, 2010 मध्ये 13 धावांनी, 2014 मध्ये दोन धावांनी तर यंदाच्या स्पर्धेतील साखळी फेरीत सात विकेट्सनी न्यूझीलंडचा पराभव केला होता. या आकडेवारीमुळे उपांत्य सामन्याचं दडपण न्यूझीलंडवर अधिक असणार आहे.
यंदाच्या स्पर्धेत दक्षिण आफ्रिकेची कामगिरी उल्लेखनीय राहिली आहे. फलंदाजी आणि गोलंदाजी दोन्ही आघाड्यांवर त्यांचा संघ संतुलित दिसत आहे. सलग विजयांमुळे त्यांचा आत्मविश्वास उंचावलेला आहे. (semi-final) दुसरीकडे न्यूझीलंडचा संघही मोठ्या स्पर्धांमध्ये शांत, संयमी आणि योजनाबद्ध खेळासाठी ओळखला जातो. त्यांच्याकडे अनुभवी खेळाडूंसह युवा ताकदही आहे, ज्यामुळे सामना कोणत्याही क्षणी फिरू शकतो.
हा सामना न्यूझीलंडसाठी केवळ अंतिम फेरीत प्रवेश मिळवण्याची संधी नाही, तर गेल्या पराभवांचा हिशोब चुकता करण्याचीही मोठी संधी आहे. दक्षिण आफ्रिकेला सातत्य राखायचं आहे, तर न्यूझीलंडला इतिहास बदलायचा आहे. (semi-final) त्यामुळे 4 मार्च रोजी होणारी ही लढत टी20 वर्ल्डकपच्या इतिहासात आणखी एक संस्मरणीय अध्याय जोडणार, यात शंका नाही.
हेही वाचा :
शेतकऱ्यांच्या बँक खात्यात 2000 रुपये कधी येणार, या तारखेला… सर्वात महत्त्वाची अपडेट समोर!
बागेतलं हे फुल घेतं माणसांचा जीव, कधीच लावू नका हात; अन्यथा होतो अनर्थ!
दुसऱ्याच्या घरी जेवण का करू नये? चाणक्य यांनी सांगितलं कारण