हिंदी चित्रपटसृष्टीतील दोन दिग्गज अभिनेत्री – जया बच्चन आणि रेखा . (legendary)दोघींनी 70 आणि 80 च्या दशकात आपल्या अभिनयाने प्रेक्षकांच्या मनावर राज्य केलं. पण त्यांच्या वैयक्तिक नात्याबाबत नेहमीच गूढ आणि चर्चेचं वातावरण राहिलं. रेखा आणि अमिताभ बच्चन यांचं नाव एकत्र घेतलं की बॉलिवूडमध्ये नेहमीच चर्चा रंगते. दोघांनी एकत्र दिलेले सुपरहिट सिनेमे आणि त्यांचं कथित नातं हे माध्यमांपासून ते प्रेक्षकांपर्यंत सर्वांच्याच रसिकतेचा विषय बनलं. मात्र, त्याच काळात अमिताभ आधीच विवाहित होते आणि जयासोबत लग्न केलेलं होतं. त्यामुळेच अमिताभ–रेखा यांचं समीकरण नेहमीच ‘गॉसिप’च्या जगात गाजत आलं.
2012 मध्ये रेखा यांना राज्यसभा खासदारपद मिळालं आणि त्यांनी संसदेत शपथ घेतली.(legendary) हा क्षण रेखासाठी मोठा सन्मानाचा होता. पण त्याच क्षणी संपूर्ण कॅमेऱ्यांचं लक्ष जया बच्चन यांच्या भाव-भावनांकडे वळलं. रेखा हातात कागद घेऊन शपथ घेत असताना, जया बच्चन त्यांच्या चेहऱ्यावरची अस्वस्थता लपवण्याचा प्रयत्न करताना दिसत होत्या. कॅमेरे सतत जया बच्चन यांच्यावर फोकस करत होते. त्या हनुवटीवर हात ठेवून एकटक रेखाकडे पाहत होत्या. हे दृश्य माध्यमांत प्रचंड चर्चेचं कारण ठरलं.
मीडिया रिपोर्टनुसार, अनेक खासदारांनी राज्यसभा अध्यक्षांकडे तक्रार केली की रेखाच्या शपथविधी दरम्यान सतत जया बच्चन यांच्यावर कॅमेरे का केंद्रित केले जात आहेत? यावर संसदीय कामकाज राज्यमंत्री राजीव शुक्ला यांनी स्पष्टीकरण दिलं – हे प्रक्षेपण दूरदर्शन करत होतं आणि ज्या दृश्यांचं कव्हरेज मिळालं, ती राज्यसभा टीव्हीवर दाखवली गेली. (legendary)दरम्यान, चर्चेत असंही समोर आलं की, रेखा यांच्या शेजारी बसण्याची जागा मिळाल्यानंतर जया बच्चन यांनी आपली सीट बदलून घेतली. कारण त्या एकाच चौकटीत रेखासोबत दिसू इच्छित नव्हत्या.
रेखाच्या शपथविधीवेळी जया बच्चन यांच्या नाराजीबाबत माध्यमांत बऱ्याच चर्चा झडल्या. मात्र, जया बच्चन यांनी या विषयावर सार्वजनिकरित्या काहीही भाष्य केलं नाही. नंतर पीपल मासिकाला दिलेल्या मुलाखतीत त्यांना विचारण्यात आलं – अमिताभ आणि रेखा आता एकत्र का काम करत नाहीत? त्यामागचं कारण तुम्ही आहात का? यावर जया बच्चन यांनी थोड्या मिश्कील स्वरात उत्तर दिलं –”जर त्यांनी पुन्हा एकत्र काम केलं, तर ते प्रत्यक्ष चित्रपटापेक्षा जास्त खळबळजनक ठरेल.”
आजही रेखा आणि जया बच्चन सार्वजनिक कार्यक्रमांत एकमेकींना आदराने भेटतात. पण त्याचवेळी एक प्रकारचं अंतर कायम राखतात, हेही वास्तव आहे. त्यांच्या नात्यातील या गूढ समीकरणामुळेच प्रत्येक वेळी त्यांचा एकत्र आलेला क्षण प्रेक्षकांसाठी चर्चेचा विषय ठरतो. या संपूर्ण प्रकरणामुळे असं दिसून आलं की, रेखा यांच्या शपथविधीचा संसदीय प्रसंग हा फक्त राजकीय सोहळा नव्हता, तर तो बॉलिवूडच्या दोन दिग्गज अभिनेत्रींच्या नात्यातील गुंतागुंत उघड करणारा एक अध्याय ठरला.
हेही वाचा :
Swiggy ची मोठी घोषणा! आता इलेक्ट्रिक स्कूटरने होणार डिलिव्हरी
मंत्रिमंडळ बैठकीत 4 मोठे निर्णय; ‘या’ जिल्ह्यांना होणार फायदा
मृत्यूनंतरही यातना, अंत्यविधीसाठी जीव धोक्यात घालून मृतदेह नदीच्या पाण्यातून नेण्याची वेळ Video