नरेंद्र मोदी यांनी लोकसभेत इराणमध्ये सुरू असलेल्या तणावपूर्ण परिस्थितीच्या पार्श्वभूमीवर देशाच्या ऊर्जा सुरक्षेबाबत महत्त्वपूर्ण निवेदन केले. जागतिक पातळीवर वाढलेल्या संघर्षाचा परिणाम भारतावरही होऊ शकतो, याची जाणीव करून देत त्यांनी नागरिकांना विश्वास दिला की सरकार परिस्थितीवर बारकाईने लक्ष ठेवून आहे आणि आवश्यक ती सर्व पावले उचलत आहे.
इराण आणि यांच्यातील संघर्षामुळे विशेषतः या महत्त्वाच्या समुद्री मार्गावर परिणाम झाला आहे. भारतात येणारे मोठ्या प्रमाणातील कच्चे तेल, गॅस आणि खत याच मार्गाने येत असल्याने वाहतूक साखळीवर दबाव निर्माण झाला आहे. या पार्श्वभूमीवर पेट्रोल, डिझेल आणि एलपीजीचा पुरवठा सुरळीत राहावा यासाठी सरकारने विशेष उपाययोजना केल्याचे पंतप्रधानांनी स्पष्ट केले.
भारत आपल्या गरजेपैकी सुमारे 60 टक्के एलपीजी आयात करतो, त्यामुळे पुरवठ्यातील अडथळे टाळण्यासाठी घरगुती वापराला प्राधान्य देण्याचा निर्णय घेतला आहे. (Narendra Modi) त्याचबरोबर देशांतर्गत उत्पादन वाढवण्यावरही भर दिला जात आहे. इंधन पुरवठा खंडित होऊ नये यासाठी विविध स्तरांवर समन्वय साधला जात असल्याचेही त्यांनी सांगितले.
ऊर्जा सुरक्षिततेच्या दृष्टीने गेल्या काही वर्षांत उचललेली पावले आता उपयोगी पडत असल्याचेही पंतप्रधानांनी नमूद केले. भारताने पूर्वी 27 देशांमधून होणारी ऊर्जा आयात वाढवून ती आता 41 देशांपर्यंत नेली आहे. (Narendra Modi) यामुळे एका देशावर अवलंबित्व कमी झाले असून पुरवठ्याची साखळी अधिक मजबूत झाली आहे. सध्या भारताकडे सुमारे 53 लाख मेट्रिक टन तेलसाठा असून तो 65 लाख मेट्रिक टनांपर्यंत वाढवण्याचे प्रयत्न सुरू आहेत.
या संकटाच्या काळात सरकारने परदेशात अडकलेल्या भारतीय नागरिकांच्या सुरक्षिततेलाही सर्वोच्च प्राधान्य दिले आहे. पंतप्रधानांनी सांगितले की, संबंधित देशांच्या नेत्यांशी सातत्याने संवाद सुरू असून अडकलेल्या भारतीयांना परत आणण्यासाठी प्रयत्न केले जात आहेत.(Narendra Modi) आतापर्यंत लाखो भारतीय सुरक्षितपणे मायदेशी परतले असून काही जखमींवर उपचार सुरू आहेत.पंतप्रधानांनी शेवटी देशवासीयांना संयम आणि धैर्य राखण्याचे आवाहन करत सांगितले की, सरकार पूर्णपणे सज्ज आहे आणि कोणत्याही परिस्थितीत देशाच्या हिताचे रक्षण केले जाईल.
हेही वाचा :
राज्य सरकारचा शेतकऱ्यांसाठी मोठा निर्णय! गव्हावरील किमान आधारभूत किंमत वाढवली
मोठं संकट ओढावणार ! पेट्रोल-डिझेलचे दर ५० ते ६० रूपयांनी महागणार ?
हार्दिक कॅप्टन्सी सोडणार अन् सूर्याकडे MI ची धुरा ?