Aditya Dhar दिग्दर्शित ‘धुरंधर: द रिव्हेंज’ या चित्रपटाने बॉक्स ऑफिसवर जबरदस्त यश मिळवत नवे विक्रम प्रस्थापित केले आहेत. 19 मार्च रोजी जगभरात प्रदर्शित झालेल्या या चित्रपटाचे 18 मार्चला पेड प्रीव्ह्यू आयोजित करण्यात आले होते आणि त्यालाही प्रेक्षकांचा मोठा प्रतिसाद मिळाला. डिसेंबर 2025 मध्ये प्रदर्शित झालेल्या पहिल्या भागानंतरच या सिक्वेलबद्दल प्रेक्षकांमध्ये प्रचंड उत्सुकता होती, आणि आता Ranveer Singh यांच्या या चित्रपटाने ती अपेक्षा पूर्ण केली आहे.
प्रदर्शनाच्या अवघ्या सहा दिवसांत ‘धुरंधर 2’ने कमाईचा वेग प्रचंड (box office) वाढवत जगभरात 919 कोटी रुपयांचा टप्पा गाठला आहे. सहाव्या दिवशीच परदेशात सुमारे 231.57 कोटींची कमाई करत या चित्रपटाने अनेक मोठ्या चित्रपटांना मागे टाकले आहे. यामुळे सर्वाधिक कमाई करणाऱ्या टॉप 5 चित्रपटांमध्ये त्याने आपले स्थान निर्माण केले आहे.
या यशात ‘धुरंधर 2’ने Ranbir Kapoor यांच्या ‘Animal’ आणि Salman Khan यांच्या ‘Bajrangi Bhaijaan’ या सुपरहिट चित्रपटांच्या कमाईलाही मागे टाकले आहे. ‘Animal’ने 917 कोटी तर ‘Bajrangi Bhaijaan’ने 918.18 कोटी रुपयांची कमाई केली होती.
भारतातही या चित्रपटाचा दबदबा कायम आहे. (box office) सहाव्या दिवशी म्हणजेच मंगळवारी ‘धुरंधर 2’ने 56.55 कोटींची कमाई करत देशांतर्गत एकूण कलेक्शन 575.67 कोटींवर नेले आहे. अवघ्या सहा दिवसांत 900 कोटींचा टप्पा पार करणारा हा सर्वात जलद चित्रपट ठरला असून आता तो 1000 कोटींच्या दिशेने वेगाने वाटचाल करत आहे.
पहिल्या भागाने सुमारे 1300 कोटींची कमाई केली होती आणि सध्याच्या गतीकडे पाहता ‘धुरंधर 2’ लवकरच हा विक्रम मोडेल, अशी चिन्हे स्पष्ट दिसत आहेत. प्रेक्षकांचा प्रचंड प्रतिसाद आणि वाढती कमाई यामुळे हा चित्रपट येत्या काही दिवसांत आणखी मोठे रेकॉर्ड्स आपल्या नावावर करणार, यात शंका नाही.
हेही वाचा :
दिवसभर थकवा का जाणवतोय? जाणून घ्या आरोग्याची कशी काळजी घ्यावी?
पुन्हा युद्ध पेटणार? इराणने ऐकलं नाही तर… डोनाल्ड ट्रम्प यांच्या मनात नेमकं काय?
महिलांनो घाबरू नका, पुढे या; भोंदूबाबा अशोक खरातची तक्रार करण्यासाठी हेल्पलाईन नंबर जाहीर