दिग्दर्शक Aditya Dhar यांच्या दिग्दर्शनाखाली तयार झालेला ‘धुरंधर 2’ सिनेमा सध्या बॉक्स (records) ऑफिसवर जबरदस्त धुमाकूळ घालत आहे. पहिल्या भागाने घातलेले विक्रम मोडून काढल्यानंतर आता या सिक्वेलनेही कमाईच्या बाबतीत नवे उच्चांक गाठण्यास सुरुवात केली आहे. प्रेक्षकांचा उत्स्फूर्त प्रतिसाद आणि सतत वाढणारी गर्दी यामुळे चित्रपटाची कमाई दररोज स्थिर आणि दमदार राहिली आहे.
पहिल्या आठवड्यातच 624.47 कोटींचा टप्पा पार (records) करणाऱ्या या सिनेमाने आठव्या दिवशी 40.70 कोटींची कमाई केली होती. त्यानंतर दुसऱ्या शुक्रवारी म्हणजे नवव्या दिवशीही चित्रपटाने जोर कायम ठेवत सुमारे 41.55 कोटी रुपये कमावले. यामुळे भारतातील एकूण कमाई 715.72 कोटी रुपयांवर पोहोचली असून, येणाऱ्या शनिवार-रविवारी हा आकडा आणखी वेगाने वाढण्याची शक्यता व्यक्त केली जात आहे.
विशेष म्हणजे, या चित्रपटाने Shah Rukh Khan आणि Salman Khan यांच्या अनेक मोठ्या चित्रपटांचे रेकॉर्ड मागे टाकले आहेत. ‘धुरंधर 2’ आता Pathaan, Jawan, Stree 2 आणि Chhaava यांसारख्या हिट चित्रपटांनाही मागे टाकत पुढे सरकत आहे. पुढचा मोठा टप्पा म्हणजे Pushpa 3 च्या 836.09 कोटींचा आणि पहिल्या भाग ‘धुरंधर’च्या 894.49 कोटींच्या लाईफटाईम कलेक्शनचा विक्रम मोडणे, ज्याच्या अगदी जवळ हा सिनेमा पोहोचला आहे.
19 मार्च रोजी प्रदर्शित झालेल्या या चित्रपटात Ranveer Singh प्रमुख भूमिकेत (records) असून त्याच्यासोबत सारा अर्जुन, राकेश बेदी, अर्जुन रामपाल, संजय दत्त आणि आर माधवन यांनीही महत्त्वाच्या भूमिका साकारल्या आहेत. जोरदार कथा, अॅक्शन आणि स्टारकास्टच्या जोरावर ‘धुरंधर 2’ सध्या बॉक्स ऑफिसवर एकहाती वर्चस्व गाजवत असल्याचे चित्र दिसत आहे.
हेही वाचा :
खरातचा पाय अजून खोलात! तक्रारींसाठी महिला सरसावल्या, भोंदूबाबाविरोधात गुन्ह्याचा आकडा वाढणार