बॉलिवूडमधील लोकप्रिय अभिनेता हृतिक रोशन आणि त्याची गर्लफ्रेंड (shocking piece) अभिनेत्री सबा आजाद सध्या चर्चेत आले आहेत. सबा आजाद हिच्याबाबत एक धक्कादायक माहिती समोर आली असून, ती एका दुर्मिळ परजीवी संसर्गाचा सामना करत असल्याचे समोर आले आहे. या आजाराचे नाव Cyclospora cayetanensis infection असे असून, गेल्या काही दिवसांत तिची प्रकृती गंभीर झाल्याने तिला रुग्णालयात दाखल करावे लागले.
सबा आजादने स्वतः (shocking piece) सोशल मीडियावर एक फोटो शेअर करत तिच्या प्रकृतीबद्दल माहिती दिली आहे. या फोटोमध्ये ती रुग्णालयाच्या बेडवर दिसत असून, तिने मागील १४ दिवस तिच्यासाठी अत्यंत कठीण गेल्याचे सांगितले आहे. या काळात तिला प्रचंड अशक्तपणा जाणवत होता आणि तिचे वजनही लक्षणीय प्रमाणात कमी झाले. नियमित व्यायाम करणारी आणि फिटनेसकडे लक्ष देणारी सबा आजाद सध्या इतकी अशक्त झाली आहे की साधं चालणंसुद्धा तिला अवघड होत असल्याचे तिने सांगितले.
या संसर्गाबद्दल बोलताना तिने आश्चर्य व्यक्त केले की, ती नेहमी घरचे अन्न खाते आणि (shocking piece) स्वच्छतेची पूर्ण काळजी घेते, तरीही तिला असा संसर्ग कसा झाला. डॉक्टरांच्या मते हा संसर्ग प्रामुख्याने दूषित अन्न किंवा पाण्यामुळे होतो. त्यामुळे सबाने चाहत्यांना सल्ला देताना भाज्या आणि सॅलड व्यवस्थित धुवूनच खाण्याचे महत्त्व अधोरेखित केले आहे. तिने विशेषतः बेकिंग सोडा आणि व्हेजी वॉशचा वापर करण्याचा सल्लाही दिला.
या कठीण काळात हृतिक रोशन तिच्या सोबत (shocking piece) ठामपणे उभा असल्याचेही सबाने सांगितले. तिची तब्येत खराब असतानाही हृतिक तिला हसवण्याचा प्रयत्न करत असल्याचे तिने नमूद केले आहे. सध्या तिची प्रकृती स्थिर असून डॉक्टर तिच्यावर बारकाईने लक्ष ठेवून आहेत. हृतिक रोशन आणि सबा आजाद यांचे नातेही मागील काही वर्षांपासून चर्चेत आहे. हृतिकने सुजैन खान यांच्यापासून विभक्त झाल्यानंतर सबा त्याच्या आयुष्यात आली. दोघांनीही त्यांच्या नात्याची कबुली दिली असून, हृतिकच्या कुटुंबासोबतही सबाचे चांगले संबंध असल्याचे दिसून येते. त्यांच्या एकत्र फोटो आणि व्हिडिओ नेहमीच सोशल मीडियावर चर्चेचा विषय ठरतात.
हेही वाचा :
खरातचा पाय अजून खोलात! तक्रारींसाठी महिला सरसावल्या, भोंदूबाबाविरोधात गुन्ह्याचा आकडा वाढणार