ज्यावेळी अचानक गोड खाण्याची इच्छा होते, तेव्हा बाहेरून काहीतरी(chocolate) मागवण्याऐवजी घरातच झटपट आणि चविष्ट काहीतरी बनवता आले तर? हॉट चॉकलेट मग केक ही अशीच एक रेसिपी आहे, जी फक्त 10 मिनिटांत तयार होते. पावसाळा असो वा हिवाळा, हा केक तुम्हाला एक रिच, चॉकलेटी आणि मऊ-मऊ आनंद देतो. मग केकचा सॉफ्ट टेक्सचर आणि गरम चॉकलेटचा अप्रतिम फ्लेवर यांचा संयोग इतका जबरदस्त असतो की तो खाताना तुम्ही तुमचा आवडता शो पाहण्याचा आनंद घेऊ शकता. चला, तर मग जाणून घेऊया ही स्वादिष्ट रेसिपी.
आवश्यक साहित्य
1/4 कप कोको पावडर
1/2 कप मैदा
6 टेबलस्पून कस्टर शुगर
3/4 टीस्पून बेकिंग पावडर
1/4 टीस्पून बेकिंग सोडा
एक चिमूटभर मीठ
3 टेबलस्पून न्यूट्रल तेल
1/2 कप दूध
व्हॅनिला इसेन्सचे काही थेंब
हॉट चॉकलेटसाठी:
80 ग्रॅम ताजी क्रीम
150 ग्रॅम डार्क चॉकलेट
3 टेबलस्पून पिठीसाखर
1/2 कप दूध
अर्ध्या संत्र्याचा किस
कृती
- केकचा बेस तयार करणे
एका बाऊलमध्ये कोको पावडर, मैदा, कस्टर शुगर, बेकिंग पावडर, बेकिंग सोडा आणि चिमूटभर मीठ एकत्र करून चांगले मिसळून घ्या. आता त्यात न्यूट्रल तेल, दूध आणि व्हॅनिला इसेन्स घालून एक गुळगुळीत मिश्रण तयार करा. हे मिश्रण मायक्रोवेव्हमध्ये सुरक्षित असलेल्या मग किंवा कपमध्ये घाला. (chocolate)मग तो मायक्रोवेव्हमध्ये फक्त 2 मिनिटांसाठी बेक करा. तुमचा मऊ आणि हलका फुलका केक बेस तयार आहे.
- हॉट चॉकलेट तयार करणे
एका पॅनमध्ये ताजी क्रीम आणि डार्क चॉकलेट एकत्र करून मध्यम आचेवर गरम करा. चॉकलेट पूर्णपणे वितळेपर्यंत ते ढवळत राहा. आता त्यात पिठीसाखर आणि दूध घालून चांगले मिसळा. नंतर त्यात अर्ध्या संत्र्याचा किस घालून एक उकळी येऊ द्या. हे हॉट चॉकलेट घट्ट आणि स्वादिष्ट होईल, जे केकची चव आणखी वाढवेल.
- सर्व्ह करण्याची पद्धत
मायक्रोवेव्हमधून काढलेल्या केकवर टूथपिकने हलके छिद्र पाडा, जेणेकरून हॉट चॉकलेटचा फ्लेवर आतपर्यंत जाईल. तयार केलेले हॉट चॉकलेट केकवर ओता. तुम्ही वरून व्हिप्ड क्रीम किंवा किसलेले चॉकलेट घालून सजवू शकता.(chocolate) हा केक लगेच गरम गरम सर्व्ह करा. गरमागरम चॉकलेट आणि केकचे मिश्रण तुम्हाला एक वेगळाच आनंद देईल आणि तुमचा मूड लगेच चांगला करेल.
हेही वाचा :
मोठी बातमी! मुख्यमंत्री यांच्यावर हल्ला…
‘दयाबेन’ने केलं अश्वमेध महायज्ञ; पती-मुलांसह केली पूजा
पोटावर वाढलेला चरबीचा घेर कमी करण्यासाठी ‘या’ बारीक दाण्यांच्या पाण्याचे करा सेवन, फॅटलॉससाठी सोपा उपाय