उत्तर प्रदेशातील मथुरा जिल्ह्यातील वृंदावन परिसरातून समोर आलेल्या (shocking incident) एका धक्कादायक घटनेने संपूर्ण परिसरात खळबळ उडाली आहे. सोशल मीडियावर वेगाने व्हायरल होत असलेल्या एका व्हिडिओमुळे या प्रकरणाची चर्चा सर्वत्र सुरू झाली आहे. या व्हिडिओमध्ये एक अल्पवयीन मुलगी रडत रडत रस्त्यावर एका साधूच्या वेशात असलेल्या व्यक्तीवर गंभीर आरोप करताना दिसत आहे.
मिळालेल्या माहितीनुसार, ही घटना वृंदावनमधील परिक्रमा मार्गाजवळ घडल्याचं सांगितलं जात आहे. व्हिडिओमध्ये मुलगी अत्यंत घाबरलेल्या अवस्थेत दिसत असून ती मोठ्याने रडत मदतीची मागणी करत आहे. इतकंच नाही तर न्याय मिळावा म्हणून ती रस्त्यावर झोपून मार्ग अडवण्याचाही प्रयत्न करताना दिसते. तिच्या आरोपांमुळे स्थानिकांमध्ये संतापाचं वातावरण निर्माण झालं आहे.
पीडित मुलीच्या म्हणण्यानुसार, (shocking incident) आरोपी साधूने तिला पिण्यासाठी ज्यूस दिला होता. त्या ज्यूसमध्ये काहीतरी नशेचं औषध मिसळलं होतं, असा तिचा आरोप आहे. ज्यूस पिल्यानंतर ती बेशुद्ध झाली आणि त्या अवस्थेत तिच्यावर अत्याचार करण्यात आल्याचा दावा तिने केला आहे. व्हिडिओमध्ये ती त्या व्यक्तीची ओळख सांगण्याचाही प्रयत्न करताना दिसते. दरम्यान, सोशल मीडियावर आरोपीचा कथित फोटोही मोठ्या प्रमाणावर शेअर केला जात आहे.
हा व्हिडिओ समोर येताच स्थानिक पोलिसांनी तात्काळ कारवाई करत तपास सुरू केला आहे. (shocking incident) पोलिसांच्या प्राथमिक माहितीनुसार, ही घटना जैंत पोलीस ठाण्याच्या हद्दीत घडली असण्याची शक्यता आहे. सध्या पीडितेचा जबाब नोंदवण्याची प्रक्रिया सुरू असून, आरोपीची ओळख पटवण्यासाठी प्रयत्न सुरू आहेत. तसेच व्हिडिओची सत्यता तपासली जात असून तो खरा आहे की बनावटीचा, याचा शोध घेतला जात आहे.
दरम्यान, या घटनेनंतर सोशल मीडियावर तीव्र प्रतिक्रिया उमटत असून अनेकांनी संताप व्यक्त केला आहे. मात्र प्रशासनाने नागरिकांना संयम बाळगण्याचं आणि अपुष्ट माहितींवर विश्वास न ठेवण्याचं आवाहन केलं आहे. तपास पूर्ण झाल्यानंतरच सत्य समोर येईल, असं पोलिसांनी स्पष्ट केलं आहे.
हेही वाचा :
अजितदादांचा घातपात की अपघात, शरद पवारांनी पहिल्यांदाच केला मोठा खुलासा
बेपत्ता नवरा लवकरच घरी येईल, पूजा करण्याच्या नावाखाली भोंदूबाबाचा विवाहितेवर बलात्कार
मोठी बातमी! यापुढे डबल मिळणार गॅस सिलिंडर मिळणार