देशातील महामार्गांवरून प्रवास करणाऱ्या वाहनचालकांसाठी एक मोठा बदल (motorists traveling) जाहीर करण्यात आला आहे. National Highways Authority of India (NHAI) ने टोल वसुलीची संपूर्ण प्रक्रिया डिजिटल करण्याचा निर्णय घेतला असून 10 एप्रिलपासून देशभरातील टोल नाक्यांवर रोख रक्कम स्वीकारणे पूर्णपणे बंद केले जाणार आहे. या निर्णयामुळे टोल भरण्यासाठी आता केवळ डिजिटल पर्यायांचा वापर करावा लागणार आहे. या नव्या प्रणालीमध्ये प्रामुख्याने FASTag चा वापर अनिवार्य करण्यात येणार आहे. ज्या वाहनांमध्ये फास्टॅग बसवलेले नाही किंवा तो कार्यरत नाही, अशा वाहनचालकांना Unified Payments Interface (UPI) च्या माध्यमातून टोलची रक्कम भरावी लागेल. प्रशासनाच्या मते, या बदलामुळे टोल प्लाझांवरील रांगा कमी होतील आणि वाहतूक अधिक सुरळीत होईल.
मात्र, फास्टॅगऐवजी (motorists traveling) यूपीआयद्वारे टोल भरताना वाहनचालकांना अतिरिक्त शुल्काचा भार सहन करावा लागणार आहे. अशा प्रकरणांमध्ये साधारण 25 टक्के जास्त रक्कम आकारली जाईल, त्यामुळे नियमित प्रवास करणाऱ्यांसाठी फास्टॅग हा अधिक सोयीस्कर आणि किफायतशीर पर्याय ठरणार आहे. जर एखाद्या वाहनचालकाने फास्टॅग किंवा यूपीआय या दोन्ही पद्धतींनी टोल भरण्यास नकार दिला, तर संबंधित वाहनाला पुढे जाण्यापासून रोखण्याचा अधिकार टोल कर्मचाऱ्यांना देण्यात आला आहे. याशिवाय अशा वाहनधारकांना ई-नोटीस पाठवली जाईल आणि तीन दिवसांच्या आत रक्कम न भरल्यास टोल दुप्पट आकारण्याची तरतूदही करण्यात आली आहे.
या निर्णयासोबतच टोल सवलतीच्या नियमांमध्येही मोठा बदल करण्यात आला आहे. (motorists traveling) यापुढे खासगी वाहनधारकांना सरकारी ओळखपत्र दाखवून टोलमधून सूट मिळणार नाही. फक्त अधिकृतपणे सवलत मिळणाऱ्या वाहनांनाच टोल न भरता पुढे जाण्याची परवानगी असेल. या नव्या नियमांमुळे टोल सवलतींचा गैरवापर रोखण्यास मदत होईल आणि टोल व्यवस्थेत अधिक पारदर्शकता येईल, अशी अपेक्षा व्यक्त केली जात आहे.
हेही वाचा :
अजितदादांचा घातपात की अपघात, शरद पवारांनी पहिल्यांदाच केला मोठा खुलासा
बेपत्ता नवरा लवकरच घरी येईल, पूजा करण्याच्या नावाखाली भोंदूबाबाचा विवाहितेवर बलात्कार
मोठी बातमी! यापुढे डबल मिळणार गॅस सिलिंडर मिळणार