कोल्हापूरमधील कसबा बावडा परिसरातील रेणुका नगर येथे घडलेल्या एका (unfortunate incident) दुर्दैवी घटनेने परिसरात हळहळ व्यक्त होत आहे. शिवम कृष्णात पाटील (वय २३) या तरुणाने स्वतःच्या राहत्या घरी गळफास घेऊन आत्महत्या केल्याची घटना आज सकाळी उघडकीस आली. सकाळी सुमारे साडेनऊच्या दरम्यान हा प्रकार लक्षात आला, तेव्हा घरच्यांनी तातडीने त्याला खाली उतरवून उपचारासाठी सीपीआर रुग्णालयात दाखल केले. मात्र, डॉक्टरांनी तपासणी केल्यानंतर उपचारापूर्वीच त्याचा मृत्यू झाल्याचे स्पष्ट केले.
शिवम पाटील (unfortunate incident) हा अत्यंत गुणी विद्यार्थी म्हणून ओळखला जात होता. त्याने राज्यस्तरीय विविध स्पर्धांमध्ये उल्लेखनीय कामगिरी करत आपली छाप पाडली होती. सध्या तो पदवीच्या शेवटच्या वर्षात शिक्षण घेत होता. काही दिवसांपूर्वी तो पुण्यात वास्तव्यास होता, मात्र अलीकडेच तो परत कोल्हापूरमध्ये आला होता. त्याच्या अचानक मृत्यूमुळे कुटुंबीयांवर दुःखाचा डोंगर कोसळला असून परिसरातही शोककळा पसरली आहे.
मिळालेल्या माहितीनुसार, आज पहाटेच्या सुमारास त्याने आपल्या खोलीत गळफास घेतल्याचे समोर आले आहे. आत्महत्येचे नेमके कारण अद्याप स्पष्ट झाले नसून, या प्रकरणी शाहूपुरी पोलिस ठाण्यात नोंद करण्यात आली आहे. पोलिसांकडून पुढील तपास सुरू आहे.
हेही वाचा :
अजितदादांचा घातपात की अपघात, शरद पवारांनी पहिल्यांदाच केला मोठा खुलासा
बेपत्ता नवरा लवकरच घरी येईल, पूजा करण्याच्या नावाखाली भोंदूबाबाचा विवाहितेवर बलात्कार
मोठी बातमी! यापुढे डबल मिळणार गॅस सिलिंडर मिळणार