शहरातील नामांकित समजल्या जाणाऱ्या श्रद्धा अकॅडमीच्या होस्टेलमध्ये शिकणाऱ्या कु. यश यादव मृत्यू झाल्याची धक्कादायक घटना समोर आली आहे.(Academy ) अकॅडमी प्रशासनाकडून हा प्रकार आत्महत्या असल्याचे सांगितले जात असले तरी मृत विद्यार्थ्याच्या नातेवाईकांनी ही आत्महत्या नसून हत्या असल्याचा गंभीर आरोप केला आहे. त्यामुळे या प्रकरणाने संपूर्ण इचलकरंजी शहरात खळबळ उडाली आहे.मिळालेल्या माहितीनुसार, सदर विद्यार्थी श्रद्धा अकॅडमीत १२ वी च्या तयारीसाठी होस्टेलमध्ये राहून शिक्षण घेत होता. मात्र आज सकाळी त्याचा मृतदेह अंघोळी च्या बाथरूम मध्ये लटकलेल्या अवस्थेत आढळून आला. अकॅडमी प्रशासनाने प्रथमदर्शनी ही बाब आत्महत्या असल्याचे पोलिसांना सांगितले. यानंतर पोलिसांनी तपास सुरू करत मृतदेह शवविच्छेदनासाठी पाठवला.
मात्र विद्यार्थ्याच्या नातेवाईकांनी ही माहिती पूर्णपणे फेटाळून लावली असून त्यांचा ठाम आरोप आहे की हा मृत्यू घडवून आणण्यात आला आहे. त्यांच्या म्हणण्यानुसार, संबंधित विद्यार्थ्याचा स्वभाव अत्यंत शांत, संयमी आणि अभ्यासू होता. त्याला कोणतीही वैयक्तिक अडचण नव्हती आणि तो आत्महत्या करू शकत नाही. (Academy )नातेवाईकांच्या या आरोपामुळे पोलिसांनाही तपासाचा नव्याने विचार करावा लागत आहे.या घटनेनंतर इतर विद्यार्थ्यांमध्येही भीतीचं वातावरण पसरलं आहे. काही विद्यार्थ्यांनी नाव न सांगण्याच्या अटीवर सांगितले की, अकॅडमीत शिकणाऱ्या मुलांवर सतत मानसिक ताण दिला जातो. शिक्षकांकडून अपमानास्पद वागणूक, अत्याधिक अभ्यासदबाव नावाखाली शारीरिक दमछाक केली जाते. यामुळे मानसिक स्थितीवर परिणाम होतो, असंही त्यांनी स्पष्ट केलं.
घटनेनंतर शहरात संतापाची लाट उसळली आहे. पालक वर्गातूनही तीव्र नाराजी व्यक्त होत असून, श्रद्धा अकॅडमी प्रशासनावर कठोर कारवाई करण्याची मागणी केली जात आहे. सध्या पोलिसांकडून या प्रकरणाचा सखोल तपास सुरू असून, पोलीस अधिकाऱ्यांनी मृत विद्यार्थ्याच्या नातेवाईकांचे आरोप गांभीर्याने घेतले आहेत.(Academy )या प्रकरणाचा तपशीलवार तपास होईपर्यंत श्रद्धा अकॅडमीसारख्या शैक्षणिक संस्थांतील विद्यार्थ्यांच्या सुरक्षिततेबाबत अनेक गंभीर प्रश्न उपस्थित झाले आहेत. विद्यार्थ्याचा मृत्यू नेमका कशामुळे झाला, हे तपासाअंती स्पष्ट होईल, पण तोपर्यंत या घटनेची छाया संपूर्ण शहरावर आहे.
हेही वाचा :
- कोल्हापूर : महिनाभरातच सुखी संसाराचा डाव मोडला; गॅस गळतीने पती-पत्नीचा जीव गेला
- आणखी एका दिग्गज क्रिकेटपटूने जाहीर केली वनडे क्रिकेटमधून निवृत्ती!
- दुर्घटनेच्या 5 दिवसांनी एअर इंडियाच्या अहमदाबाद-लंडन विमानातच मोठा बिघाड, ऐनवेळी मोठा निर्णय
- ब्राझीलच्या ज्योतिष्याचं भाकीत झालं खरं? इराण-इस्राईल युद्धाबाबत दिला होता गंभीर इशारा!
