कोल्हापूर – सायबर चौक परिसरात जुन्या वादातून रोहन संजय हेरवाडे (वय 27, सायबर चौक) यांच्यावर कोयत्याने हल्ला(attack) करण्याप्रकरणी राजारामपुरी पोलिसांनी ओम नितीन माने (22, कळंबा, करवीर) आणि विनायक रावसाहेब पाटील (32, लक्षतीर्थ वसाहत) यांच्यावर कारवाई केली आहे.
घटना मंगळवारी (दि. 16) सायंकाळी साडेआठच्या सुमारास सायबर चौक, पाण्याच्या टाकीजवळ घडली. हेरवाडे आणि ओम माने यांची मित्रत्वाची पार्श्वभूमी असून, दोघे पुईखडी येथे पार्टी करत असताना किरकोळ कारणावरून वाद झाला होता. यावेळी हेरवाडे यांनी माने यास पायावर टॉमीने मारहाण केली होती.
घटनानंतर रात्री हेरवाडे मोटारीतून सायबर चौकात जात असताना, ओम माने, विनायक पाटील आणि दोन अनोळखी व्यक्ती आले. हेरवाडे याच्यावर “आमच्या भावाला मारतोस का?” असा जाब विचारण्यात आला. त्यानंतर विनायक पाटीलने हातातील कोयत्याने हेरवाडे याचे पाय, डोके आणि खांद्यावर वार केले, तसेच त्यांची मोटारी देखील नुकसान केली.
हेरवाडे याने तातडीने राजारामपुरी पोलिस ठाण्यात फिर्याद दिली, त्यानंतर पोलिसांनी ओम माने व विनायक पाटील यांना ताब्यात घेतले आहे. फरार असलेल्या अन्य संशयितांचा शोध सुरू असून, पोलिस तपासात गुन्हेगारी पार्श्वभूमीचा आढावा घेत आहेत. विनायक पाटीलवर यापूर्वी गगनबावडा पोलिस ठाण्यात गुन्ह्यांची नोंद आहे(attack).
हेही वाचा :
‘ती’ टीका पवारांना जिव्हारी लागली; संतापून थेट फडणवीसांना फोन
१७ योजनेअंतर्गत मोफत प्रवासाची सुविधा
मध्यरात्री रक्तरंजित थरार राष्ट्रवादीच्या पदाधिकाऱ्याची हत्या….