प्रसिद्ध अभिनेता(actor) पंकज धीर यांचं 68 व्या वर्षी निधन 14 ऑक्टोबर मध्यरात्री झालं आहे. ते बऱ्याच काळापासून कॅन्सरशी झुंजत होते आणि अखेर रुग्णालयात दाखल असतानाच त्यांनी अखेरचा श्वास घेतला. त्यांच्या निधनाने टेलिव्हिजन आणि सिनेसृष्टीत शोककळा पसरली आहे, तर कुटुंबियांवरही दुःखाचा डोंगर कोसळला आहे. अनेक चाहत्यांनी आणि सहकाऱ्यांनी सोशल मीडियाच्या माध्यमातून त्यांना श्रद्धांजली वाहिली आहे.
पंकज धीर (actor)यांना विशेष प्रसिद्धी 1988 मध्ये बीआर चोप्रांच्या ‘महाभारत’ मालिकेत कर्णाची भूमिका साकारताना मिळाली. त्यांच्या अभिनयाला प्रेक्षकांकडून भरभरून प्रेम मिळालं, आणि आजही ही भूमिका प्रेक्षकांच्या आठवणीत जिवंत आहे. यानंतर त्यांनी ‘चंद्रकांता’, ‘युग’, ‘ग्रेट मराठा’ यांसारख्या मालिकांमध्ये तसेच काही सिनेमांमध्ये दमदार भूमिका साकारल्या.
व्यावसायिक दृष्टिकोनातूनही पंकज धीर यांचा ठसा लक्षात घेण्याजोगा होता. त्यांनी 2006 मध्ये भावासोबत मुंबईतील जोगेश्वरीत विजय स्टुडिओज स्थापन केले, ज्यातून अनेक नव्या कलाकारांना संधी मिळाली आणि त्यांनी चांगली कमाई केली. रिपोर्ट्सनुसार, त्यांच्या मृत्यूनंतर कुटुंबासाठी तब्बल 42 कोटी रुपयांची संपत्ती मागे राहिली आहे, ज्यात मालमत्ता, बँक बॅलन्स, गुंतवणूक आणि व्यवसायातील उत्पन्न यांचा समावेश आहे.
पंकज धीर यांनी आपल्या कारकिर्दीत अनेक छोट्या पण प्रभावी भूमिका साकारल्या, ज्यामुळे त्यांनी इंडस्ट्रीमध्ये स्वतःची वेगळी ओळख निर्माण केली. त्यांच्या योगदानासाठी टेलिव्हिजन आणि सिनेसृष्टीतील चाहत्यांना कायम स्मरण राहणार आहे.
हेही वाचा :
विकी कौशलनं कतरिनाच्या डिलिव्हरीबद्दल दिली हिंट…
रेशन कार्डधारकांसाठी सर्वात महत्वाची बातमी समोर…
मायक्रोसॉफ्टचा मोठा निर्णय! Windows 10 झाले ‘आउट ऑफ सपोर्ट…