प्रसिद्ध कीर्तनकार इंदुरीकर महाराज यांनी सोशल मीडियावरील व्यक्तिगत टीकांमुळे अखेर कीर्तन सोडण्याचे संकेत दिले आहेत. अलीकडेच त्यांच्या मुलीचा साखरपुडा समारंभ पार पडला होता. त्या कार्यक्रमातील काही फोटो आणि व्हिडिओ सोशल मीडियावर व्हायरल झाल्यानंतर काही लोकांनी मुलीच्या कपड्यांवरून अपमानास्पद कमेंट्स केल्या. या वैयक्तिक टीकेमुळे महाराज संतापले असून त्यांनी आपल्या मनातील भावना (Warning)व्यक्त केल्या आहेत.एका व्हिडिओमध्ये इंदुरीकर महाराज भावनिक होत म्हणाले, “लोक आता इतके खालच्या पातळीवर गेलेत की माझ्या मुलीच्या कपड्यांवरून कमेंट्स करत आहेत. तुम्ही मला शिव्या द्या, मला घोडे लावा, पण माझ्या लेकरांवर बोलू नका. आयुष्यभर लोकांची सेवा केली, चांगलं केलं, पण आता वैयक्तिक आयुष्यावर येऊन ठेपलंय.”
महाराज पुढे म्हणाले, “३१ वर्ष मी कीर्तन केलं, लोकांना मार्गदर्शन केलं, पण आता कंटाळलो (Warning)आहे. दोन-तीन दिवसांत मोठा निर्णय घेणार आहे. माझ्यात अजून उत्तर द्यायची ताकद आहे, पण आता हे सगळं माझ्या घरापर्यंत पोहोचलं आहे.” त्यांनी पुढे सांगितलं की, “मला शांतता हवी आहे. माझ्या लेकरांच्या कपड्यांवर बोलणाऱ्यांना तरी लाज वाटली पाहिजे.”या भावनिक वक्तव्याचा व्हिडिओ सोशल मीडियावर मोठ्या प्रमाणात व्हायरल झाला असून अनेकांनी महाराजांना प्रचंड पाठिंबा दर्शविला आहे. नेटिझन्सनी लिहिले, “महाराज तुम्ही सत्य बोलता. लोकांनी तुमच्या समारंभात खर्च पाहिला पण तुम्ही खाली पंगत बसवली, भजन केलं ते कुणी पाहिलं नाही. लोक देवालाही दोष देतात मग आपण काय आहोत.”
तर काहींनी भावनिक अपील केलं, “महाराज, तुम्ही कीर्तन सोडू नका. समाजात वाईट प्रवृत्तीचे लोक आहेत, पण तुमच्यासारख्या चांगल्या माणसांनी मागे हटू नये. तुमच्या मुलीने संस्कार दाखवले आहेत आणि काहींना ते पचत नाही.”सध्या सोशल मीडियावर इंदुरीकर महाराजांच्या समर्थनार्थ #WeSupportIndurikarMaharaj हा हॅशटॅग ट्रेंड होत आहे. अनेक भक्त आणि अनुयायी त्यांना कीर्तन सुरू ठेवण्याची विनंती करत आहेत.
हेही वाचा :
उद्या 14 नोव्हेंबरला ‘या’ कारणास्तव शाळा, कॉलेज, ऑफिसला सुट्टी राहणार!
कार खरेदीदारांसाठी आनंदाची बातमी!
सनी देओलने पपाराझींना फटकारलं! म्हणाला – तुमच्या घरी आई-बाप आहेत…लाज राखा, Video Viral