कुरुंदवाड, आदर्शनगर: टीईटी परीक्षेच्या अभ्यासाच्या मानसिक तणावाखाली 27 वर्षीय कौसर इंजमामउलहक गरगरे यांनी गुरुवारी रात्री गळफास घेऊन आत्महत्या(suicide) केली. कौसर रा. आदर्शनगर, कुरुंदवाड येथे राहणारी होती आणि तिचा पती इंजमामउलहक राजमहम्मद गरगरे (वय 31) आहे. कौसरकडे एक वर्षाची मुलगी आहे.पतीच्या माहितीनुसार, गुरुवारी रात्री सुमारे 11.30 वाजता अभ्यास मनासारखा न झाल्यामुळे कौसर बेडरूममध्ये लोखंडी हुकास आणि ओढणीचा वापर करून गळफास घेऊन आत्महत्या केली.
घटनेनंतर कौसरच्या माहेरच्या कुटुंबीयांनी ताबा घेण्यास नकार दिला आणि पती, सासू-सासऱ्यांवर गुन्हा दाखल करण्याची मागणी करत ठिय्या मांडला. यामुळे परिसरात तणाव निर्माण झाला. पोलिसांनी पंचनामा करून मृतदेह शिरोळ ग्रामीण रुग्णालयात उत्तरीय तपासणीसाठी पाठवला.
परिस्थिती गंभीर पाहून शिवसेना जिल्हाप्रमुख वैभव उगळे, सर्फराज जमादार, नजीर मखमला, बबलू हुकिरे आणि सादिक बागवान यांनी मध्यस्थी केली. नातेवाईकांनी अखेर मृतदेह (suicide)ताब्यात घेतला आणि शवविच्छेदनाचा अहवाल मिळाल्यानंतर पुढील कायदेशीर कारवाई केली जाईल, असे सहायक पोलिस निरीक्षक संतोष माने यांनी सांगितले.शुक्रवारी सकाळी 11 वाजता दफनविधी पार पडली. या घटनेमुळे परिसरात शोक आणि हळहळ व्यक्त होत आहे.
हेही वाचा :
पेन्शनचा आकडा वाढणार, कोण ठरणार थेट लाभार्थी?
गरोदर महिलेला स्कुटरने ओढत नेलं, पोलिसांकडूनच घडले गैरवर्तन; Video Viral
‘या’ पाच ट्रिक्सच्या मदतीने कोथिंबीर ठेवा फ्रेश अन् हिरवीगार…