कोलेस्ट्रॉल कमी करण्यासाठी ‘हे’ कुकिंग ऑइल वापरा आणि हृदयविकाराचा धोकाही टाळा

आजकालच्या धावपळीच्या जीवनात आरोग्याची काळजी (cooking)घेणे खूप महत्त्वाचे आहे. त्यातही, जेवणासाठी योग्य तेलाची निवड करणे अत्यंत गरजेचं आहे. चुकीच्या तेलामुळे कोलेस्ट्रॉल वाढू शकतं आणि हृदयाला धोका निर्माण होऊ शकतो. पण, एक असं खास तेल आहे, जे वापरल्याने तुमचा कोलेस्ट्रॉल कमी होईल आणि हृदयही सुरक्षित राहील.

आरोग्याची काळजी घेणाऱ्या प्रत्येकाच्या मनात नेहमी एक प्रश्न असतो की, ‘कोणत्या तेलात जेवण बनवावे?’ बाजारात अनेक प्रकारचे तेल उपलब्ध आहेत, पण त्यापैकी काही आपल्या (cooking) आरोग्यासाठी खूप हानिकारक असू शकतात. विशेषतः आपल्या भारतीय घरांमध्ये वापरले जाणारे रिफाइंड सूर्यफूल, सोयाबीन किंवा पाम तेल हृदयाच्या आरोग्यासाठी तितकेसे चांगले मानले जात नाहीत. यामुळे, योग्य तेलाची निवड करणे खूप महत्त्वाचे आहे, जेणेकरून तुम्ही आणि तुमचं कुटुंब निरोगी राहाल.

एक्स्ट्रा व्हर्जिन ऑलिव्ह ऑइल: एक उत्तम पर्याय
बाजारातील इतर तेलांच्या तुलनेत एक्स्ट्रा व्हर्जिन ऑलिव्ह ऑइल खूप शुद्ध मानले जाते. हे तेल कोणत्याही केमिकलच्या किंवा जास्त उष्णतेच्या प्रक्रियेशिवाय तयार केले जाते. यामुळे, यात असलेले नैसर्गिक पोषक तत्वे आणि अँटिऑक्सिडंट्स सुरक्षित राहतात. हे अँटिऑक्सिडंट्स शरीरातील पेशींचे नुकसान होण्यापासून बचाव करतात, वृद्धत्वाची प्रक्रिया कमी करतात आणि काही प्रकारच्या कर्करोगाचा धोकाही कमी करतात.

ऑलिव्ह ऑइल वापरताना या गोष्टी लक्षात ठेवा
योग्य तेलाची निवड: बाजारात अनेक प्रकारचे ऑलिव्ह ऑइल उपलब्ध आहेत, पण पूर्ण फायदा मिळवण्यासाठी बाटलीवर ‘कोल्ड-प्रेस्ड’ किंवा ‘एक्स्ट्रा व्हर्जिन ऑलिव्ह ऑइल’ असे लिहिलेले तेलच निवडा. रिफाइंड किंवा लाईट ऑलिव्ह ऑइल टाळा, कारण प्रक्रियेदरम्यान त्यातील अनेक पोषक तत्वे नष्ट होतात.

साठवणूक: ऑलिव्ह ऑइल नेहमी थंड आणि अंधाऱ्या ठिकाणी ठेवा. बाटली उघडल्यानंतर सहा महिन्यांच्या आत त्याचा वापर करा, जेणेकरून त्याचा ताजेपणा आणि गुणधर्म टिकून राहतील.

वापराचे प्रमाण: ऑलिव्ह ऑइल आरोग्यासाठी चांगले असले तरी त्यात कॅलरी जास्त असतात. एका चमचामध्ये जवळपास 120 कॅलरीज असतात. त्यामुळे, दिवसातून फक्त 1-2 चमचे तेल वापरणे पुरेसे आहे.

कसा वापर कराल? ऑलिव्ह ऑइलचा वापर सॅलड ड्रेसिंगसाठी, भाज्यांवर वरून टाकण्यासाठी किंवा कमी आचेवर पदार्थ शिजवण्यासाठी केला जाऊ शकतो. पण, या तेलात डीप फ्राय करू नये, कारण जास्त उष्णतेमुळे त्याचे चांगले गुणधर्म आणि पोषक तत्वे नष्ट होतात.

हेही वाचा :

कोकणवासीयांसाठी आनंदाची बातमी! गणेशोत्सवासाठी सुटणार ‘या’ दोन खास ट्रेन, राणे कुटुंबाचा पुढाकार

आजचा गोपाळकालाच्या दिवशी राशींसाठी भाग्यशाली! भगवान श्रीकृष्ण करतील रक्षण, आजचे राशीभविष्य वाचा

जल्लोषात आणि आनंदात, चैतन्याची फोडा हंडी…! लाडक्या प्रियजनांना पाठवा दहीहंडीच्या शुभेच्छा, वाचून सगळ्यांचं होईल आनंद