राज्यात आज सर्वत्र भोगी सण साजरा केला जात असून उद्या 14 जानेवारी रोजी (holiday) मकर संक्रांतीचा उत्साह पाहायला मिळणार आहे. गुजरातमध्ये हा सण ‘उत्तरायण’ म्हणून मोठ्या प्रमाणावर साजरा केला जातो, तर महाराष्ट्रातही मकर संक्रांतीला धार्मिक आणि सांस्कृतिक महत्त्व आहे. या सणाच्या पार्श्वभूमीवर राज्यातील शालेय विद्यार्थ्यांसाठी आणि त्यांच्या पालकांसाठी एक महत्त्वाची बातमी समोर आली आहे.14 जानेवारी रोजी मकर संक्रांतीनिमित्त राज्यातील काही शाळांना स्थानिक पातळीवर सुट्टी जाहीर करण्यात आली आहे. ही सुट्टी सार्वजनिक स्वरूपाची नसली तरी संबंधित विभाग आणि प्रशासनाने आपल्या कार्यक्षेत्रात निर्णय घेतल्याने अनेक विद्यार्थ्यांना आणि शिक्षकांना दिलासा मिळणार आहे. या निर्णयामुळे शाळा, पालक आणि शिक्षण व्यवस्थेवर सकारात्मक परिणाम होणार आहे.
मिळालेल्या माहितीनुसार, सांगली जिल्हा परिषद अंतर्गत येणाऱ्या सर्व मराठी (holiday) आणि कन्नड माध्यमांच्या शाळांना 14 जानेवारी रोजी सुट्टी देण्यात आली आहे. यासंदर्भात अधिकृत परिपत्रक जारी करण्यात आले असून, जिल्ह्यातील सर्व प्राथमिक आणि माध्यमिक शाळांना हा निर्णय लागू असणार आहे. मकर संक्रांतीच्या पार्श्वभूमीवर विद्यार्थ्यांना सण साजरा करता यावा, यासाठी हा निर्णय घेण्यात आला आहे.तसेच गडचिरोली जिल्हा परिषद अंतर्गत येणाऱ्या शाळांनाही मकर संक्रांतीच्या दिवशी सुट्टी जाहीर करण्यात आली आहे. जिल्हा परिषदेच्या शिक्षण अधिकाऱ्यांनी 12 जानेवारी रोजी याबाबत परिपत्रक काढले असून, या निर्णयामुळे आदिवासी व दुर्गम भागातील विद्यार्थ्यांना विशेष दिलासा मिळणार आहे. सणाच्या दिवशी विद्यार्थ्यांची उपस्थिती कमी राहण्याची शक्यता लक्षात घेऊन प्रशासनाने हा निर्णय घेतल्याचे सांगितले जात आहे.
राज्यातील काही महानगरपालिका कार्यक्षेत्रातील शाळांनाही उद्या (holiday) अनौपचारिक स्वरूपात सुट्टी मिळण्याची शक्यता आहे. कारण अनेक शाळांमध्ये मतदान केंद्रे असणार असून शिक्षक आणि शिक्षकेतर कर्मचारी निवडणूक कामकाजासाठी नियुक्त करण्यात आले आहेत. त्यामुळे प्रत्यक्ष अध्यापनावर परिणाम होणार असल्याने अनेक ठिकाणी शाळा बंद ठेवण्याचा निर्णय स्थानिक प्रशासनाकडून घेतला जात आहे. याशिवाय आदिवासी विकास विभागाच्या अखत्यारीतील सर्व आश्रमशाळांना 14 जानेवारी रोजी मकर संक्रांतीनिमित्त अधिकृत सुट्टी जाहीर करण्यात आली आहे.
आश्रमशाळांमध्ये सण साजरा करण्याची परंपरा आणि विद्यार्थ्यांची(holiday) उपस्थिती लक्षात घेता हा निर्णय घेण्यात आला आहे. त्यामुळे राज्यातील हजारो आदिवासी विद्यार्थ्यांना संक्रांतीचा सण साजरा करण्याची संधी मिळणार आहे. एकूणच, 14 जानेवारी रोजी राज्यातील सर्व शाळांना सुट्टी नसली तरी सांगली, गडचिरोलीसह काही जिल्ह्यांतील जिल्हा परिषद शाळा, महानगरपालिका शाळा आणि आदिवासी विकास विभागाच्या आश्रमशाळांना सुट्टी मिळणार आहे. पालक आणि विद्यार्थ्यांनी आपल्या स्थानिक शाळेकडून अधिकृत सूचना तपासूनच पुढील नियोजन करावे, असे आवाहन शिक्षण विभागाकडून करण्यात येत आहे.
हेही वाचा :
गोड, जंक फूडमुळे लहान मुलांमध्ये वाढतोय मधुमेहाचा धोका
मोठी बातमी! मतदानावर बहिष्कार, महापालिका निवडणूक संकटात
तरुणीला बॉयफ्रेंडसोबत नको त्या अवस्थेत पकडलं, कुटुंबीयांकडून अन्