इंटरनेटच्या युगात माहिती मिळवणे सोपे झाले असले तरी रात्रीच्या वेळी (websites)काही गोष्टी सर्च करणे तुमच्या सुरक्षिततेसाठी आणि मानसिक आरोग्यासाठी अत्यंत धोकादायक ठरू शकते. रात्रीच्या वेळी चुकूनही सर्च करू नयेत अशा ५ महत्त्वाच्या वेबसाइट्स किंवा विषयांबद्दल आम्ही तुम्हाला सांगणार आहोत..रात्रीच्या वेळी चुकूनही डार्क वेब किंवा ‘.onion’ डोमेन असलेल्या वेबसाइट्स शोधण्याचा प्रयत्न करू नका. या वेबसाइट्स सामान्य सर्च इंजिनवर दिसत नाहीत परंतु त्यांच्याबद्दल माहिती शोधताना तुम्ही अनवधानाने हॅकर्सच्या जाळ्यात अडकू शकता. डार्क वेबवर अमली पदार्थांची विक्री, बेकायदेशीर शस्त्रास्त्रे आणि वैयक्तिक डेटाची चोरी असे गुन्हे चालतात. अशा साइट्सवर क्लिक केल्यास तुमच्या डिव्हाइसमध्ये मालवेअर किंवा रॅन्समवेअर शिरू शकते, ज्यामुळे तुमचे बँक डिटेल्स आणि खाजगी माहिती काही क्षणात चोरीला जाऊ शकते.
रात्रीच्या वेळी अस्वस्थ वाटत असल्यास आपल्या लक्षणांबद्दल गुगलवर (websites)सर्च करणे टाळा. इंटरनेटवर उपलब्ध असलेली आरोग्य माहिती ही सामान्य असते आणि ती वाचून आपण चुकीचे निष्कर्ष काढतो, ज्याला सायबरकॉन्ड्रिआ म्हणतात. साध्या डोकेदुखीलाही इंटरनेटवर गंभीर आजार म्हणून दाखवले जाऊ शकते, ज्यामुळे विनाकारण मानसिक ताण वाढतो आणि तुमची रात्रीची झोप उडते. यामुळे प्रत्यक्ष आजारापेक्षा भीतीचाच आरोग्यावर जास्त वाईट परिणाम होतोमोफत चित्रपट किंवा वेब सिरीज पाहण्यासाठी अनेकजण रात्रीच्या वेळी अनधिकृत वेबसाइट्सचा वापर करतात. अशा वेबसाइट्सवर पॉपअप जाहिरातींचा सुळसुळाट असतो. यापैकी अनेक जाहिरातींमध्ये मालवेअर लपलेले असतात, जे तुमच्या नकळत बॅकग्राउंडला फाईल्स डाऊनलोड करतात. यामुळे तुमचा फोन किंवा लॅपटॉप हॅक होऊ शकतो आणि हॅकर्स तुमच्या कॅमेरा किंवा माईकचा ताबा देखील मिळवू शकतात, जे तुमच्या प्रायव्हसीसाठी मोठे संकट आहे
रात्रीच्या वेळी ‘Quick Money’ किंवा ‘Online Casino’ सारख्या वेबसाइट्स (websites)सर्च करणे आर्थिक नुकसानाला निमंत्रण देणारे ठरू शकते. या वेबसाइट्स तुम्हाला कमी वेळात जास्त पैशांचे आमिष दाखवतात. त्या इतक्या हुबेहूब दिसतात की त्या खऱ्या आहेत असा भास होतो. एकदा का तुम्ही तिथे तुमची बँक खात्याची माहिती किंवा पासवर्ड दिला की सायबर गुन्हेगार तुमचे पूर्ण खाते रिकामे करू शकतात. अशा आर्थिक फसवणुकीच्या घटना रात्रीच्या वेळी जास्त प्रमाणात घडतात.रात्रीच्या वेळी अनोळखी व्यक्तींच्या सोशल मीडिया प्रोफाईल्स किंवा ईमेलमध्ये आलेल्या संशयास्पद लिंक्सवर क्लिक करणे टाळा. सायबर गुन्हेगार अनेकदा नामांकित वेबसाइट्सच्या उदा. फेसबुक किंवा बँक साइट बनावट कॉपी तयार करतात, ज्याला फिशिंग म्हणतात. अशा साइट्सवर लॉगिन करण्याचा प्रयत्न केल्यास तुमचे सोशल मीडिया अकाउंट हॅक होऊ शकते, ज्याचा वापर करून तुमचे वैयक्तिक फोटो किंवा चॅट्स लीक होण्याची भीती असते.
हेही वाचा :
पंचायत समिती निवडणूक रणधुमाळी; उमेदवारीसाठी रस्सीखेच सुरू
भाजपचे नगरसेवक काँग्रेसच्या संपर्कात; वडेट्टीवारांचा दावा, सुधीर मुनगंटीवार म्हणाले…
सर्वात मोठी बातमी! लाडकी बहीण योजनेचा हप्ता बंद