महाराष्ट्र राज्य मार्ग परिवहन महामंडळमध्ये तब्बल 17 हजार 450 चालक आणि सहायक (decision) पदांसाठी कंत्राटी भरती करण्याचा महत्त्वाचा निर्णय घेण्यात आला आहे. परिवहन मंत्री तसेच एसटी महामंडळाचे अध्यक्ष प्रताप सरनाईक यांनी ही घोषणा केली. मुंबई येथे झालेल्या संचालक मंडळाच्या बैठकीत या मोठ्या भरती प्रस्तावाला मंजुरी देण्यात आली. या निर्णयामुळे एसटीच्या दैनंदिन कामकाजाला गती मिळेल आणि ग्रामीण तसेच शहरी भागातील सेवा अधिक सुरळीतपणे चालवता येईल, असा विश्वास व्यक्त करण्यात आला आहे.
महामंडळाने आगामी काळात सुमारे 8 हजार नवीन बसेस ताफ्यात (decision) दाखल करण्याची योजना आखली आहे. या नव्या बसेस रस्त्यावर उतरवण्यासाठी आवश्यक मनुष्यबळाची उपलब्धता महत्त्वाची असल्याने ही भरती अपरिहार्य ठरली आहे. सध्या अनेक डेपोमध्ये चालक व सहायकांची कमतरता जाणवत असून त्याचा परिणाम बसफेऱ्यांवर होत आहे. पुरेसे कर्मचारी नसल्यास नवीन बसेस उभ्या राहण्याची वेळ येऊ शकते, त्यामुळे भरती प्रक्रिया तातडीने सुरू करण्याचा निर्णय घेण्यात आल्याचे सरनाईक यांनी स्पष्ट केले.
भरतीसाठी 2 ऑक्टोबरपासून ई-निविदा प्रक्रिया (decision) सुरू केली जाणार असून संपूर्ण प्रक्रिया ऑनलाइन आणि पारदर्शक पद्धतीने राबवली जाणार आहे. राज्यातील सहा प्रादेशिक विभागांसाठी स्वतंत्र निविदा काढल्या जातील. निविदा प्रक्रिया पूर्ण झाल्यानंतर निवडलेल्या कंत्राटदार कंपन्यांमार्फत चालक आणि सहायक उपलब्ध करून दिले जातील. नियुक्त कर्मचारी तीन वर्षांच्या कालावधीसाठी कंत्राटी तत्वावर कार्यरत राहतील.
निवड झालेल्या कर्मचाऱ्यांना किमान 30 हजार रुपयांचे (decision) मासिक वेतन देण्यात येणार आहे. शासनाच्या नियमांनुसार वेतन आणि त्यातील वाढ लागू केली जाईल. याशिवाय चालकांना वाहनचालक प्रशिक्षण, सुरक्षितता नियमांचे पालन आणि प्रवाशांशी सुसंवाद या बाबींवर सविस्तर मार्गदर्शन दिले जाईल. या भरतीमुळे बससेवा अधिक नियमित होईल, वेळेवर फेऱ्या सुरू राहतील आणि प्रवाशांना सुरक्षित व आरामदायी प्रवासाचा लाभ मिळेल, असा विश्वास व्यक्त करण्यात आला आहे.
हेही वाचा :
सचिवांच्या आदेशानंतरही बहुजन कल्याण विभागाचा ‘अजब’ कारभार; रद्द शाळांच्या पुनर्मूल्यांकनाचे आदेश
पहिलं Long Distance Relationship आता Silent Love! काय आहे हा नवा ट्रेंड ?
‘धुरंधर 2’मध्ये ‘बडे साहब’ कोण? अखेर पडदा उघडला; या अभिनेत्याचे नाव समोर येताच…